Здарэнні11

Маршрутка ў Мінску паехала без пасажыра, адмяніўшы заказ

У Threads абмяркоўваюць сітуацыю з маршруткай Мінск — Маладзечна, піша Kraj.by.

Дзяўчына апублікавала паведамленне, у якім прапанавала перавозчыку «Атласбас» адказаць на яе пытанне:

— Як увогуле магчыма, што маршрутка спакойна з'язджае без чалавека, калі ён ужо 20 хвілін чакае яе на месцы? Сёння а 6‑й раніцы адпраўлялі брата з Мінска ў Маладзечна. Мы былі на месцы ўжо ў 5:40 на «Дружнай». У 6:03 кіроўца адмяніў заказ з пазнакай, што брат не з'явіўся. Ніхто не тэлефанаваў, у дадатку быў толькі нумар кол-цэнтра. Вы сур'ёзна пакінулі чалавека ў чужым горадзе, нават не патэлефанаваўшы? А ў кол-цэнтры толькі развялі рукамі. Гэта такі сэрвіс? Перавозчык — ТАА «Белы Мішка».

На скаргу пасажыркі сэрвіс «Атласбас» адрэагаваў і пракаментаваў сітуацыю, падкрэсліўшы, што кампанія займаецца продажам білетаў і не мае ўласнага транспарту.

Паводле паведамлення сэрвісу, за выкананнем раскладу перавозчыкамі строга сочаць кантралюючыя органы.

— Звяртаем увагу, што на гэтым маршруце абзвон пасажыраў не прадугледжаны. У білеце пазначана ўся неабходная інфармацыя, у тым ліку час і месца адпраўлення аўтобуса. Паводле наяўнай інфармацыі, гэты рэйс адправіўся строга паводле раскладу. Сем пасажыраў паспяхова селі ў аўтобус, — адзначылі ў «Атласбас».

Аўтарка допісу вельмі эмацыйна пракаментавала гэты адказ, закрануўшы таксама тэмы, якія не датычыліся сітуацыі, што адбылася з яе братам.

У тых, хто выказаўся ў каментарыях, ёсць некалькі варыянтаў развіцця падзей.

«Тэлефануйце ў службу падтрымкі, прыкладзіце фота білета, калі ён быў загадзя аплачаны, і падавайце дасудовую прэтэнзію. Гэта ўжо не першы такі выпадак, пра які чытаю», — раіць адзін карыстальнік.

«Атласбас» тут ні пры чым, пытанні трэба адрасоўваць перавозчыку», — тлумачыць іншы.

«Падайце скаргу ў Міністэрства транспарту, і гэты кіроўца больш так рабіць не будзе», — упэўненая карыстальніца.

Каментары1

  • Нейкае непаразуменне
    04.08.2026
    Гэта выходзіць ужо па-за ўсялякія межы трывання! Дыктатар працягвае паляванне за нашымі грамадзянамі ўжо ў маршрутках. Міністр Будрыс разам з эўрадэпутатамі павінны жорстка адрэагаваць!

Цяпер чытаюць

Від на Каложскую царкву безнадзейна сапсаваны28

Від на Каложскую царкву безнадзейна сапсаваны

Усе навіны →
Усе навіны

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой58

больш чытаных навін
больш лайканых навін

Від на Каложскую царкву безнадзейна сапсаваны28

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць