Літаратура77

Уладзімір Някляеў. Мне раптам стаў нямілы родны кут

Пісьменнік і экс-кандыдат у прэзідэнт апублікаваў у сваім фэйсбуку пранікнёны допіс, прысвечаны Дню памяці продкаў — Дзядам.

Фота са старонкі Уладзіміра Някляева ў фэйсбуку

Дзяды. Сёння яны — гэта не толькі народная традыцыя, дзень памяці продкаў. Сёння яны — тое спрадвечнае, што яшчэ застаецца ад сапраўднай Беларусі, абрысы якой усё болей ілюзорныя.

Я не веру, што Беларусі не стане. Бо ведаю, што яна будзе. Калі нават згубіць, як ужо губляла, межы, ці страціць пракметы дзяржаўнасці, дык будзе сама ў сабе. І зноў знойдзе свае межы, як змяя новую скуру. 

Генетычна яна — вельмі моцнае ўтварэнне. Менавіта таму як яе ні знішчаюць — знішчыць не могуць.

Тое, што цяпер адбываецца з намі, яшчэ нядаўна немагчыма было ўявіць. Яшчэ нядаўна, калі сыходзілі мае старэйшыя сябры, Караткевіч, Стральцоў, Быкаў, Барадулін, Бураўкін, Вярцінскі — як мне было шкада!

«Як заўчасна, — адчайна думаў я над іх магіламі, — як заўчасна!» А цяпер думаю, што ў час… І нават зайздрошчу ім: яны не бачаць таго, што невыносна бачыць…

Але трэба трываць. А каб трываць — помніць. Не забываць пра тое, што яны былі, аралі, сеялі, пісалі — і ты ім абавязаны. І проста мусіш рабіць тое, што ўмееш рабіць найлепей. Бо як у даўніне, гэтак і ў будучыні, толькі ў найлепшым яна невынішчальная — наша Беларусь.

Мне раптам стаў нямілы родны кут.
І я б забыў, што нарадзіўся тут, 
Каб даў мне Бог забыць, каб разлюбіць даў сілы
Пагорак той, дзе продкавы магілы,
Дзе хутка ўжо і мне на Божы суд.

Я ведаю, што я на тым судзе
Скажу. Што я нікому і нідзе
Не здрадзіў, што ў крыві не вінаваты… 
А Бог спытае: «Не прадаў ты брата?
Сястру сваю не кінуў ты ў бядзе?»

Я б адказаў, што не!.. Калі б Ён сілы даў
Змагчы той жах, што нада мной паўстаў,
Нянавісць, што, як пыл, любоў з зямлі змятае!..
Ён ведае, што я не прадаваў.
Я ведаю, чаму Ён так спытае. 

Каментары7

  • Хведар
    02.11.2026
    Спадар паэт, я хачу займацца палітыкай і шукаю спонсараў. Падкажыце, ці можна займацца палітыкай за расейскія грошы ?
  • Юн
    02.11.2026
    Хведар, "У края большой дороги многих прохожих ноги в грязь затоптали кусок яшмы, жизнь её долго пытала, но яшма грязью не стала".
  • Рыгор
    02.11.2026
    Як можна паставіць такі загаловак артыкулу? [Рэд. Выдалена]. Паглядзіце матэрыялы толькі за сённі. Хочаце пасеяць паневерра, роспач, абыякавасць?

    [Зрэдагавана]

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць