Грамадства120120

Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў

Эдуард Пальчыс расказаў, што быў галоўным каардынатарам чата «Хата». Ён таксама патлумачыў, чаму дагэтуль не гаварыў пра гэта публічна. 

Я хацеў бы растлумачыць усё вялікай колькасці сяброў, знаёмых і незнаёмых мне людзей, якія за апошнія 6 гадоў аказалі мне велізарную падтрымку.

Многія з іх не ведаюць, за што канкрэтна мне далі 13 гадоў. Чаму судзілі аднаго. Чаму пасля выхаду я дагэтуль не даў ніводнага інтэрв'ю.

На відэа ў гэтым фрагменце Ромка расказвае праўду.

Тое, чаго ён не сказаў па тэлевізары, але сказаў у маёй крымінальнай справе, — гэта тое, што я быў галоўным каардынатарам таго самага чата «XATA».

План сабрацца 9 жніўня каля Стэлы, планы першых 8 маршаў, «План Перамогі» і практычна кожны вялікі тэкст, які вы чыталі ў NEXTA, «Беларусь головного мозга», МКБ і гэтак далей, — усё гэта было напісана мною або зыходзіла пераважна ад мяне. Як і шмат-шмат іншага.

У тым ліку наземная каардынацыя маршаў у рэальным часе. Мы каардынавалі і планавалі акцыі, ЗНАХОДЗЯЧЫСЯ Ў МІНСКУ, таму было вельмі забаўна ў турме чытаць пра ролю спецслужбаў ЗША, Польшчы, Чэхіі, Украіны, Літвы, Германіі і каардынацыі пратэстаў.

Асабліва адораныя (з нашых, дарэчы) умудрыліся нават Расію да гэтага прыпісаць. Расчарую вас, хлопцы, але не. Усё было куды больш празаічна. Ногі ў мяне гарэлі, а ўдзельнікі маршаў не раз прымалі мяне за ціхара (стыль адзення і маска на твары), што часам несла для мяне рызыкі не меншыя, чым сустрэча з КДБ.

Натуральна, што, акрамя мяне, велізарныя намаганні прыкладалі іншыя ўдзельнікі чата. А таксама было мноства камандных чатаў з цудоўных людзей, можна сказаць, «ноўнэймаў», якія ў той момант рабілі фантастычныя рэчы.

Менавіта вы, хлопцы і дзяўчаты, на ўсё жыццё застаяцеся маімі героямі. На жаль, вас усіх ужо не знайсці і не аддзячыць, але хоць так перадаю вам баявое прывітанне.

Я магу пра гэта напісаць, бо 16 верасня Джон Коўл вывез з Беларусі апошняга ўдзельніка нашай групы — Яўгена Юшкевіча, былога следчага і айцішніка. Пакуль ён знаходзіўся там, я маўчаў. Як і падчас майго зняволення маўчалі практычна ўсе, хто ведаў пра маю ролю.

Таму пасля выхаду было вельмі смешна назіраць за дзеяннямі некаторых персанажаў, якія ўсяляк спрабавалі пахайпаваць і падзяліць лаўры 2020 года, хоць нават блізка да гэтых працэсаў не стаялі.

Хтосьці нават паспеў напісаць кнігі і з'ездзіць з імі ў турнэ. Мая ім парада — пачынайце супакойвацца і будзьце крыху сціплейшымі.

І таксама я пакуль што маўчу пра дзеянні ў крытычныя моманты 2020 года некаторых агульнавядомых персанажаў. Таму што я паважаю іх як палітвязняў і не хачу выклікаць срачы і бурныя рэакцыі. Пакуль што.

Прашу прабачэння ва ўсіх журналістаў і СМІ за тое, што ігнараваў іх увесь гэты час. І дзякуй, што некаторыя з вас маўчалі, ведаючы пры гэтым усё.

Спадзяюся, што ў хуткім часе буду патроху нешта вам расказваць. Беларусы дрэнна ведаюць сваю сучасную палітычную гісторыю — пастараемся гэта неяк выправіць.

Каментары120

  • во
    02.11.2026
    а мне ИИ сказаў, што ў мяне Няптун у Казяроге (3-ч хата), і што я ўмею структурыраваць хаос.. а гэта як?
  • Национал-капиталист Беларуси
    02.11.2026
    [Рэд. выдалена]

    [Зрэдагавана]
  • Але
    02.11.2026
    А гэта быў сакрэт... Цікава.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць