Кушнер раскрыў, пра што ЗША хочуць дамовіцца з Украінай і Расіяй у Абу-Дабі
Спецпасланнік Трампа паведаміў, што ЗША «працавалі з абодвума бакамі над распрацоўкай грунтоўных прапаноў».

На наступным тыдні ў Абу-Дабі Злучаныя Штаты арганізуюць перамовы з удзелам Украіны і Расійскай Федэрацыі. Спецыяльны пасланнік прэзідэнта ЗША Дональда Трампа Джарэд Кушнер у сацыяльнай сетцы X паведаміў, чаго Вашынгтон чакае ад гэтых перамоў.
Ён падкрэсліў, што гэта будуць першыя з лютага трохбаковыя мірныя перамовы з удзелам Украіны і Расіі. Паводле яго слоў, ЗША «працавалі з абодвума бакамі над распрацоўкай грунтоўных прапаноў, якія дазволяць зрабіць гэтыя перамовы як мага больш змястоўнымі і прадуктыўнымі», піша УНІАН.
«Прэзідэнт Трамп вызначыў дасягненне міру адным са сваіх прыярытэтаў. Наша ўвага засяроджаная на складанай і дэталёвай працы, неабходнай для ператварэння гэтай мэты ў усёабдымнае і доўгатэрміновае пагадненне», — гаворыцца ў допісе.
Паводле слоў Кушнера, у Бруселі ЗША правялі перамовы з Украінай, НАТА і еўрапейскімі партнёрамі «па двух важных і ўзаемазвязаных складніках трывалага міру: гарантыях бяспекі для Украіны і больш шырокай архітэктуры еўрапейскай бяспекі».
Ён запэўніў, што ЗША інтэнсіўна працуюць з усімі бакамі «над пошукам практычных рашэнняў, якія дапамогуць пакласці канец гэтай вайне і закласці асновы для трывалага міру».
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
-
Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары