Андрэй Расінскі. Кадры11

Як Вудзі Алэн і Скарлет Ёхансан лавілі забойцу

Маладая журналістка Сондра Пранскі ў кампаніі зь недарэкам-ілюзіяністам па наводцы прывіда-рэпартэра ловяць сэрыйнага забойцу-арыстакрата.

posterСэнсацыя (Scoop)

Вялікабрытанія – ЗША, 2006, каляровы, 96 хв.

Рэжысэр: Вудзі Алэн

Ролі выконваюць: Скарлет Ёхансан, Вудзі Алэн, Г’ю Джэкман, Кевін Макнэлі, Ен Макшэйн

Жанр: Камэдыя

Адзнака: 7 (з 10)

Маладая журналістка Сондра Пранскі ў кампаніі зь недарэкам-ілюзіяністам па наводцы прывіда-рэпартэра ловяць сэрыйнага забойцу-арыстакрата.

Камэдыйную парачку складаюць Скарлет Ёхансан і сам Вудзі Алэн – і болей вытанчанага, іранічнага й пацешнага дуэта ўявіць немагчыма.

Сэксапільная гераіня Ёхансан толькі пачынае сваю працу ў журналіскай прафэсіі – і мае схільнасьць спаць з кожным, каго яна перасьледуе. Затое гэтая слабасьць кампэнсуецца натхненьнем, калі гутарка заходзіць пра зубную эмаль (сямейная традыцыя стаматолягаў-гігіеністаў).

Чараўнік Сід па мянушцы Цудзіні даводзіць да ручкі ўсіх картачнымі фокусамі, мітусіцца, камплексуе – і ўрачыста грае ролю ілжэтаты Сондры, што неабходна, каб выкрыць нягодніка.

Але сьледзтва сутыкаецца з мэлядраматычнымі перашкодамі: меркаваны забойца (Г’ю Джэкман) – пекны малады чалавек, у якога адразу закахалася гора-журналістка; і каханьне гэта ўзаемнае.

“Сэнсацыя” – другі лёнданскі фільм Вудзі Алэна і другая ягоная стужка са Скарлет Ёхансан. Але ў адрозьненьні ад трагедыйнага “Матч Пойнту” – “Сэнсацыя” надзіва лёгкая й пяшчотаная карціна, расквечаная “алэнізмамі” зь брытанскімі інтанацыямі.

“Я быў выхаваны ў юдаізьме, але перайшоў у нарцысізм… Ты з артадаксальнай сям’і – ці прымуць яны сэрыйнага забойцу?” Пікіроўкі паміж героямі проста чароўныя, а арыстакратычныя манеры Старога Сьвету ідэальна прыстасаваны для іранічных забавак Вудзі Алэна.

Але самую залімітную пацеху разыгрывае 70-гадовы Алэн на ладдзі Харона. Чарговыя картачныя фокусы пад навязьлівую музыку “маленькіх лебедзяў” – гэта безнадзейны й геніяльны аптымізм, настолькі кінэматаграфічны, што хочацца пажадаць рэжысэру яшчэ сотню падобных фільмаў.

Сэансы ў кінатэатры “Перамога” з 23 па 26 студзеня а 19.00, 27 і 28 студзеня – а 17.00 і 19.00.

Усе фільмы

Каментары1

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера3

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

больш чытаных навін
больш лайканых навін

Крымскі мост зруйнаваны ўдарам ракет «Фламінга»33

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць