Андрэй Расінскі. Кадры

Злачынны кот у ботах

«Кот у ботах»: пухнаты герой «Шрэка» дачакаўся свайго бенефісу.

Кот у ботах (Puss in Boots)

ЗША, 2011, каляровы, 90 хв, 3D

Рэжысёр: Крыс Мілер

Жанр: Анімацыйныя казачныя прыгоды

Адзнака: 5,5 (з 10)

Кот у ботах палюе за чароўнымі фасолямі, каб забрацца на аблокі — і скрасці адтуль гуску, якая нясе залатыя яйкі. Герой мусіць аб’яднаць свае высілкі з хітрым Шалтаем-Балтаем і злодзейкай Кісай. Але не ўсё так проста, як здаецца…

Поспех зялёнага «Шрэка», які перажыў тры прэм’еры, многім не даваў спаць.

Харызматычны руды коцік, які складаў кампанію Шрэку, дачакаўся свайго бенефісу пад пільным даглядам галівудзкіх прадусараў.
Але сёлетняя стужка аніяк не звязаная з пацешнымі ограмі й Трыдзявятай краінай. У фільме — дзяцінства Ката ў ботах і ягоны шлях да сучаснае славы.

Пухнаты кацяра прайшоў праз сіроцтва і падлеткавыя крадзяжы, пасябраваў з Шалтаем-Аляксандрам Балтаем, марыў, здзяйсняў геройствы, сутыкнуўся з падманам. У фільме — гішпанскія мелодыі й спякотная пустыня, драпежныя ездавыя дзікі й прыдуркаватыя разбойнікі, маленькая «залатая» гуска і ейная вусцішная матуля. Але мы не пачуем арыгінальнага голасу Антоніа Бандэраса — анімацыя дубляжуецца ў Расеі.

Стваральнікі стужкі граюць з вэстэрнамі, музычнымі фільмамі, гангстэргскім кіно, меладрамаю — і пацяшаюць нас жартамі (парачка з якіх — плюгія). Але стужка настолькі прадуманая, што амаль механічная.

Замілаванне ад фірмовых каціных вачэй — бурнае, з захліпамі, але дзейнічае па звычцы;
жартам над казачнымі персанажамі ўжо 10 гадоў (па кацінаму веку — усе 100).

Але механічнасць ажыўленых коцікаў амаль ніхто не заўважыць. Да таго ж пухнаты разбойнік так лакае малачко ў салуне й палюе за сонечным зайчыкам, што можна дараваць фільму старасць.

Каментары

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

больш чытаных навін
больш лайканых навін

Крымскі мост зруйнаваны ўдарам украінскіх ракет34

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць