Андрэй Расінскі. Кадры

«Пэнэлёпа»

Крыстына Рычы ганарыцца сьвіным лычом.

poster

Вялікабрытанія – ЗША, 2006, каляровы, 101 хв.
Рэжысэр: Марк Паланскі
Ролі выконваюць: Крыстына Рычы, Джэймз МэкЭвой, Кэтрын О’Хара, Рыз Ўізэрспун, Пітэр Дзінклэйдж, Нік Фрост, Сайман Ўудз, Рычард Грант
Жанр: Мэлядрама, казка
Адзнака: 5,5 (з 10)

Пэнэлёпа нарадзілася ў старажытнай арыстакратычнай сям’і. Яна прыгожая, разумная, дасьціпная – вось толькі замест носа ў яе пятачок. Сямейны праклён будзе зьняты, калі Пэнэлёпу палюбіць нехта “такі ж, як яна сама”. Бацькі наладжваюць Пэнэлёпе агледзіны арыстакратаў-жаніхоў, але тыя толькі ўцякаюць, убачыўшы сьвіны лыч. Але аднойчы Пэнэлёпа знаёміцца з гульцом-недарэкай…

Казачная мэлядрама з сымпатычнай Крыстынай Рычы… са сьвіным лычам. Ангельскі палац, дзівосны пакойчык Пэнэлёпы, дзе яна абавязаная хавацца; уцёкі, горад са спакусамі, мэдыйны скандал, радасны хэпі-энд.

Карціна Марка Паланскага – гэта “Царэўна-жабка”, “Рымскія канікулы” данэліеўскія “33” і… падручнік для фэміністак.

Як і царэўна-жабка, Пэнэлёпа пазбавіцца праклёну празь любоў, як і “рымская прынцэса” – гераіня кідае свой палац. І як у сатыры Данэліі, чалавечак зь дзівосай – становіцца шальной знакамітасьцю, да якой цягнуцца ўсе. Але гэта ўсё легкадумна, неабавязкова й мэлядраматычна.

Брытанскія й амэрыканскія акторы радуюць гледача дасьціпнай сур’ёзнасьцю й пацешкамі. Актрыса Рыз Ўізэрспун села на матацыкл – і сталася прадусаркай фільму. Нік Фрост забаўляе жэстамі (“Тыпу крутыя мянты”), капрызьліва крычыць Сайман Ўудз.

“Патрыярхальны” казачны фільм упадабаюць схільныя да аўтатрэнінгу фэміністкі. Любоў, што выбаўляе ад праклёну, ня могуць даць Пэнэлёпе мужчыны. Яна мусіць палюбіць сябе сама. А мужчына, муж, палюбоўнік – так – для камплекту гераіні, якая ганарыцца сваім абліччам і сваім “гендэрам”.

Сэансы ў менскіх кінатэатрах.

Кінатэрміны

Кінападзеі

Усе фільмы

Кінатворцы

Каментары

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

больш чытаных навін
больш лайканых навін

Крымскі мост зруйнаваны ўдарам ракет «Фламінга»30

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць