Андрэй Расінскі. Кадры22

«Мае чарнічныя ночы»

Рамантычная гісторыя для закаханых ад Вонга Кар Вая.

posterМае чарнічныя ночы (My Blueberry Nights)
Ганконг – Кітай – Францыя, 2007, каляровы, 95 хв.
Рэжысэр: Вонг Кар Вай
Ролі выконваюць: Нора Джонз, Джад Лоў, Дэйвід Стрэтгэйрн, Цім Рот, Наталі Портман, Рэйчэл Ўайс
Жанр: Рамантычная драма
Прызы, фэсты: Намінацыя на “Залатую галіну” Канскага кінафэсту
Адзнака: 6,5 (з 10)

Маладая дзяўчына Элізабэт (Нора Джонз) разьвітваецца са сваім сябрам і пакідае ключы ад кватэры ў кавярні, гаспадар якой (Джад Лоў) гандлюе чарнічнымі пірагамі. Элізабэт вандруе па Амэрыцы і спрабуе знайсьці сябе. Чужыя драмы праходзяць перад вачыма гераіні, але ейнае ўласнае шчасьце – у пакінутае кавярні...

Карціна Вонга Кар Вая – пяшчотная рамантычная драма, пастаўленая, як “Любоўны настрой” акварэльнымі фарбамі. Колеры чарнічныя і белыя, пунсова-чырвоныя і блакітныя, ультрамарынава-эратычныя – мяккія, як дотык і дзявочая мара. (Апэратар стужкі Дарыюс Гонджы.) Фарбы сьняць, трызьняць, зьдзіўляюць – але й не кідаюцца ў вочы, а толькі падкрэсьліваюць любоў.

Гэта любоў-залежнасьць, апантаная жарсьць: няшчасны паліцэйскі (Дэйвід Стрэтгэйрн) любіць віскі і страчвае жонку; юная карцёжніца (Наталі Портман) любіць покер і губляе ўласнага бацьку.

Гэта любоў-недагаворанасьць: былая любоў сышла, а ў новай ніяк не прызнацца. Марозіва на сонных губах Норы Джонз; Джад Лоў цалуе дзяўчыну.

Фільм, як нізка апавяданьняў, як жыцьцё ў сьне, як пачуцьцёвасьць подыху ў мэгаполісе.

Але за пекнымі фарбамі, тонкай гісторыяй, дасьціпна стрыманай акторскай гульнёй няма нічога, акрамя візуальнага казытаньня. Гэта выдатнае каліграфічнае практыкаваньне, якое дэманструе майстэрства Кар Вая, але хавае адсутнасьць ідэй у яго.

Любоў прыйшла, сэрцы знайшлі адзін аднаго – шчасьце ёсьць, гледачы паплакалі.

Стужка ідэальная, для прагляду парамі – але толькі на адзін раз.

Сэансы ў менскім "Доме кіно" да 13 красавіка.

Фільм без перакладу, на ангельскай мове з рускімі субтытрамі.

Кінатэрміны

Кінападзеі

Усе фільмы

Кінатворцы

Каментары2

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

больш чытаных навін
больш лайканых навін

Крымскі мост зруйнаваны ўдарам ракет «Фламінга»30

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць