Афіша

Нестандартныя кіны

Андрэй Расінскі пра Кінафармат «4х4»

Андрэй Расінскі пра Кінафармат «4х4»

Фактотум (Factotum)

ЗША–Нарвэгія, 2005, каляровы, 94 хв.

Жанр: драма паводле твораў Чарлза Букоўскага.

Адзнака: 5,5 (з 10).

Гэнры Чынаскі (Мэт Дылан) піша й п’е. Ён зьмяняе працу за працай – на фабрыках ды сховішчах, – каб зарабіць капейчыну на чарніла (і на атрамант таксама). Пісьменьнік-маргінал сустракаецца з такімі ж непрытульнымі прастытуткамі, гуляе на скачках і п’е.

Рэжысэр карціны – нарвэжац Бэнт Хамэр, вядомы «этнаграфічна-пабытовай» трагікамэдыяй «Кухонныя байкі». Герой «Фактотуму» выпісаны з такой жа паўночнай стрыманасьцю. Аніякіх буйных разгулаў, багемнай рамантыкі ці сацыяльнага выкрыцьця.

Удумлівае назіраньне за чалавекам, які сьвядома абраў маргінальную нішу сваёй свабоды.

Місіс Гэндэрсан прэзэнтуе (Mrs. Henderson Presents)

Вялікабрытанія, 2005, каляровы, 103 хв.

Жанр: камэдыйная драма.

Аўдавелая Лора Гэндэрсан (Джудзі Дэнч) набывае лёнданскі тэатар. У кампаніі з мэнэджарам (Боб Госкінз) яна арганізуе спэктаклі, дзе гераіні агаляюцца, каб падтрымаць баявы дух змагароў з фашызмам.

Джудзі Дэнч і Боб Госкінз у карціне – закаханыя камічныя старыя. А эратычнае шоў рэжысэр Стывэн Фрырз выдае за гісторыка-патрыятычную драму.

Нестандартнае спалучэньне.

Белая графіня (White Countess)

Вялікабрытанія–ЗША–Нямеччына–Кітай, 2005, каляровы, 138 хв.

Жанр: драма.

У Шанхаі 1936 году асьлеплы дыплямат (Ральф Файнс) закахаўся ў расейскую ўцякачку-графіню (Наташа Рычардсан).

Рэжысэр стужкі – Джэймз Айвары.

Фільм намінаваўся на прэмію «Satellite Awards» за найлепшыя гук і касьцюмы.

Адзін сыходзіць, другі застаецца (Un reste, l’autre part)

Францыя, 2005, каляровы, 109 хв.

Жанр: камэдыя.

Два парыскія антыквары (Даніэль Атэй і П’ер Ардыты) адначасова трапляюць у складаную сытуацыю. Пасьля сямейных мітрэнгаў кожны зь іх закахаўся. Кінуць жонку ці застацца?

Рэжысэр – Клёд Бэры.

Фільм – удзельнік кінафэсту ў Стамбуле.

Андрэй Расінскі

Каментары

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера3

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

больш чытаных навін
больш лайканых навін

Крымскі мост зруйнаваны ўдарам ракет «Фламінга»32

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць