Грамадства22

«У Крыме расійскія базы сталі апорнымі пунктамі для анексіі». Кавалеўскі пра небяспеку размяшчэння ў Беларусі ядзернай зброі

«Нацыянальныя інтарэсы выключаюць у прынцыпе расійскую вайсковую прысутнасць на тэрыторыі Беларусі», — кажа прадстаўнік Кабінета Валер Кавалеўскі.

минобороны Искандер
Аператыўна-тактычны ракетны комплекс «Іскандэр» у беларускім войску. Фота: Мінабароны

Яшчэ 25 сакавіка Пуцін аб’явіў, што да 1 ліпеня ў Беларусі скончаць будаўніцтва сховішча для тактычнай ядзернай зброі. Сёння падчас паслання парламенту і народу Лукашэнка заявіў, што менавіта з ягонай ініцыятывы ядзерная зброя вяртаецца ў Беларусь.

«Ва ўмовах ваенна-палітычнай абстаноўкі, якая складваецца вакол нашай краіны, мною былі актываваны настойліва перамовы з прэзідэнтам Расіі Пуціным па вяртанні ў Беларусь ядзернай зброі. Менавіта па вяртанні ядзернай зброі, якая была вывезеная ў 1990-я гады. Тады пад гарантыі: ніякіх санкцый супраць тых, хто вывез, ніякага ціску, наступлення ці рэвалюцыі. Усё растаптана, усё разбурана. Я маю права паставіць пытанне вярнуць ядзерную зброю, якую тады яшчэ, да мяне, вар'яты падпісалі абавязанні яго вяртання», — гаварыў Лукашэнка.

Крэмль ужо перадаў Беларусі 10 самалётаў, здольных несці тактычную ядзерную зброю, і ракетны комплекс «Іскандэр». 

Прадстаўнік Аб'яднанага пераходнага кабінета па замежных справах Валер Кавалеўскі кажа, што размяшчэнне ядзернай зброі яшчэ больш пагражае нашай незалежнасці, суверэнітэту і дзяржаўнасці.

«Гэта азначае, што ў Беларусь прыходзяць няпрошаныя госці — расійскія войскі, якія замацоўваюцца на нашай тэрыторыі, прывозяць ядзерную зброю. Цяпер у Беларусі засталося каля 10 тысяч вайскоўцаў — гэта вельмі і вельмі кепска.

Але калі забяспечваецца пастаянная прысутнасць расійскіх вайскоўцаў, то Расія можа пайсці далей. Мы ўсе бачылі, як развіваліся падзеі ў Крыме, калі расійскія вайсковыя базы сталі апорнымі пунктамі для анексіі», — адзначае Валер Кавалеўскі. 

Палітык заўважае, што Лукашэнка ігнаруе нацыянальныя інтарэсы і ставіць пад пагрозу ўсю краіну дзеля захавання персанальнай улады:

«Нацыянальныя інтарэсы выключаюць у прынцыпе расійскую вайсковую прысутнасць на тэрыторыі Беларусі».

Заява Пуціна пра размяшчэнне тактычнай ядзернай зброі ў Беларусі заспела Святлану Ціханоўскую ў Вашынгтоне ў час яе візіту ў ЗША 21—28 сакавіка. Як адрэагаваў амерыканскі істэблішмент на такую пагрозу?

«Сенсацыяй гэтая заява не стала, але яна сведчыць пра пагражальнае развіццё падзей. Мы мелі магчымасць данесці інфармацыю да амерыканскіх дыпламатаў і палітыкаў і ў час слуханняў у Сенаце, і ў час слуханняў у Радзе бяспекі пры Белым доме. Святлана Ціханоўская абмяркоўвала гэта пытанне з дарадцам па нацыянальнай бяспецы Джэйкам Саліванам. ЗША адсочваюць сітуацыю, назіраюць за яе развіццём. Сітуацыя вельмі сур’ёзная, і мы не хаваем сваёй занепакоенасці», — кажа Валер Кавалеўскі.

«Пры любым выкарыстанні ядзернай зброі з тэрыторыі Беларусі, супраць каго б ні было, Беларусь становіцца мішэнню для ўдару ў адказ. Мы, не маючы рэальнага кантролю над ядзернай зброяй, тым не менш будзем несці адказнасць за яе прымяненне.

Мы сталі закладнікамі на глабальным узроўні, уся краіна стала патэнцыйнай мішэнню з боку тых краін ці блокаў, інтарэсы якіх могуць быць закранутыя пры выкарыстанні ядзернай зброі Расіяй», — выказвае асцярогі Кавалеўскі.

«Я пра гэта настойліва вёў перамовы з Пуціным». Лукашэнка пра намер размясціць ядзерную зброю

Крэмль абураны пастаўкамі Украіне снарадаў са збедненым уранам. Але такія боепрыпасы ёсць і ў Расіі. Што ж хвалюе Маскву?

Ціханоўская ўзняла пытанне ядзернай зброі ў Беларусі на сустрэчы з Саліванам

Каментары2

  • Упс
    31.03.2023
    У Беларусі апорным пунктам для анексіі будзе "вертыкаль улады".
  • Рыгор
    31.03.2023
    Мы, мы, мы, спадар Кавалеўскі, трэба больш відавочна акцэнтаваць: Лукашенка - і мы Беларусь, дзьве розныя рэчы.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю82

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць