Грамадства99

Прадстаўнік Беларусі ў ААН падзякаваў Украіне за вынясенне пытання пра ядзерную зброю. Але гэта быў спецыфічны гумар

Пастаянны прадстаўнік Беларусі пры ААН Валянцін Рыбакоў выступіў на пасяджэнні Рады Бяспекі ААН аб размяшчэнні тактычнай ядзернай зброі Расіі на тэрыторыі Беларусі, ператварыўшы сваё выступленне ў клаўнаду.

Рыбакоў у сваім выступленні, як і ў цэлым замежнапалітычнае ведамства рэжыму Лукашэнкі апошнія гады, трымаўся развязнага, падкрэслена недыпламатычнага і нават хамскага стылю, які лукашысты цалкам перанялі ад сваіх расійскіх калег пасля таго, як стала зразумела, што пра нейкія дыпламатычныя здзяйсненні на заходнім кірунку можна забыцца.

Асноўнай «зброяй» пры гэтым робіцца так званы «вотэбаўтызм» (whataboutism), то-бок падмена тэзісаў. Дыпламаты пры гэтым выступаюць фактычна не ў якасці прадстаўнікоў сваёй прафесіі, а выконваюць функцыі бессаромных і цынічных прапагандыстаў.

Так, Рыбакоў падзякаваў Украіне за вынясенне пытання на сённяшняе пасяджэнне Рады Бяспекі і адзначыў, што міжнародная супольнасць, маўляў, мусіць «звярнуць самую пільную ўвагу на тое, якую рэальную небяспеку нясуць сумесныя ядзерныя місіі НАТА і шматгадовае размяшчэнне ядзернай зброі Злучанымі Штатамі за межамі сваёй нацыянальнай юрысдыкцыі».

Маўляў, Украіна павінна запатрабаваць ад НАТА спыніць такую практыку, а ад ЗША — вывесці сваю ядзерную зброю з Бельгіі, Германіі, Нідэрландаў, Італіі і Турцыі.

Акрамя таго, гаворачы пра парушэнні правоў чалавека, якія «нібыта» існуюць у Беларусі, Рыбакоў параіў заходнім краінам разбірацца з такімі праблемамі ў іхніх краінах, бо там парушэнні робяцца ўжо не «нібыта». «Не спрабуйце нават разважаць пра жаданні беларускага народа пры прыняцці беларускім народам найважнейшых унутрыпалітычных рашэнняў у краіне. Вы не маеце аніякага ўяўлення, што думае насамрэч беларускі народ», — заявіў з высокай трыбуны дыпламат-прапагандыст.

І далей працягваў у тым жа самым духу, згадаўшы сярод іншага, што «мы можам даць, напрыклад, стэнаграму размовы якіх-небудзь бабуль, якія сядзяць каля пад'езда, якіх мы папросім паразважаць на тэмы міжнароднай бяспекі. Я вас запэўніваю, такі дакумент будзе мець не меншую, а можа быць і большую каштоўнасць, чым той, які вы прадставілі». 

Каментары9

  • BYDE
    31.03.2023
    Ён прадстаўнік групы асобаў, якія захапілі і ўтрымліваюць уладу, а не Беларусі!
  • не такі як ёсць
    31.03.2023
    Быдла спачатку мусіць атрымаць па мордзе, і толькі потым аткрываць рот і то - толькі калі дазволяць. Калі ўжо гэта зразумеюць. Хіба прыклад Польшчы не навучыў?! Перакрыйце межы і праз месяц атрымаеце ўсіх палітзняволенных толькі для таго каб адкаціцца на сённяшнія ўмовы
  • Наталка
    31.03.2023
    Гэта і ёсць новы бойфрэнд эсэсаўкі Пяткевіч?

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю82

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць