Грамадства3030

«Чаму Какабай усё яшчэ існуе?» Рачылоўскі напісаў публічны данос на папулярнага блогера Какабая

Новая зорка прапаганды Мікіта Рачылоўскі, які паабяцаў памерці за Лукашэнку, завёў тэлеграм-канал і напісаў публічны данос на галоўнага фуд-блогера краіны Паўла Крамара, вядомага як Какабай.

Мікіта Рачылоўскі і Павел Крамар

Паводле Рачылоўскага, Какабай у 2020 годзе нібыта падтрымаў пратэсты і нават, як ён піша ў даносе, выступаў «з крытыкай у адрас нашага прэзідэнта».

«Пасля таго, як пратэсты спадаюць на нішто, ён хутка пераабуваецца, як сапраўдны пацук, хаваецца пад плінтус і робіць выгляд, як і ўсе астатнія змагары, што нічога не было. Ходзіць, як бяскрыўдны Барсік, па рэстаранах і кафэ, набівае сабе жывот, робіць бескарысныя агляды, разыгрывае нейкія падарункі, уваходзіць у давер да звычайных грамадзян, большая частка якіх, на жаль, нават і не ведае, хто такі Какабай», — даводзіць Рачылоўскі.

Асаблівае абурэнне ў прапагандыста выклікае калабарацыя аднаго з найпапулярнейшых блогераў краіны з «Камунаркай»: яны зрабілі шакалад з назвай «Коколад».

«Чаму Какабай усё яшчэ існуе? Каму гэта выгадна? Чаму ён не пакараны за сваю антыдзяржаўную дзейнасць? Хто яму даў карт-бланш? Няўжо не відавочна, што ў будучыні ён зноў здрадзіць і павядзе за сабой сваю аўдыторыю?» — піша Рачылоўскі.

Мікіта Рачылоўскі дорыць кветкі Наталлі Качанавай. Фота: ягоны інстаграм

Павел Крамар — самы вядомы фуд-блогер Беларусі. Ён мае амаль 513 тысяч падпісчыкаў у інстаграме, 113 тысяч — у тэлеграм-канале, а таксама іншыя сацсеткі і папулярны сайт.

Мікіта Рачылоўскі — 26-гадовая «зорка» беларускай прапаганды. Ён часты госць на шматлікіх ток-шоу на беларускім тэлебачанні, дзе пляжыць «нацыянал-здраднікаў» і заклікае не супрацоўнічаць з тымі, хто «прадаў радзіму ў 2020-м». У жніўні 2023-га надышоў яго зорны час. Гэта здарылася, калі ён заявіў, што гатовы «памерці за Лукашэнку» і што «жывымі іх (моладзь з праўладных арганізацый. — «НН») не возьмуць».

Каментары30

  • Ядвига
    24.09.2023
    Про живот блогера этот лукожиртрест зря написал. Лучше бы на свои жиронакопления посмотрел. И занялся бы своей фигурой, чем отращивать пятую точку сидя за столом, а то никто кроме качановой его не полюбит.
  • Шляхцич Завальня
    24.09.2023
    д.Рачиловский - одним словом
  • Натарыюс
    24.09.2023
    У даносчыка не хапае літары Д у прозвішчы

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

Беларусы масава шукаюць у Google «ваеннаабавязаны». У чым прычына?

Расія атакавала балістычнымі ракетамі цэнтр Крывога Рога: загінулі фельчарка і дзіця, 58 чалавек параненыя1

Жанчыны пад Маладзечнам стварылі падпольную каталіцкую грамаду — і перажылі СССР8

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць