Грамадства55

«Віпам» прыносяць тую ж кашу, што і астатнім парадзіхам, толькі ў прыгожым посудзе». Колькі каштуе нарадзіць як алімпійская чэмпіёнка

Алімпійская чэмпіёнка Дзінара Алімбекава-Смольская, якая нядаўна ўпершыню стала мамай, у сваім інстаграме падзякавала калектыву віп-аддзялення радзільнага дома 6-й гарадской клінічнай бальніцы ў Мінску. Якія там умовы і колькі там каштуе нарадзіць для звычайных беларусак?

Фота: інстаграм Дзінары Алімбекавай-Смольскай

Віп-аддзяленне з’явілася ў радзільні 6-й бальніцы ў 2016 годзе, каб матываваць забяспечаных беларусак нараджаць у Мінску замест таго, каб ездзіць у Вільню.

Умовы знаходжання маці і дзіця ў віп-аддзяленні моцна адрозніваюцца ад таго, што ёсць у іншых радзільнях Беларусі. Яно мае асобны ўваход і ліфт, палаты больш нагадваюць не бальнічнае памяшканне, а кватэру-студыю: вялікі двухспальны ложак (муж можа начаваць разам з жонкай і дзіцём), тэлевізар, міні-кухня і, вядома, персанальны санвузел.

Віп-палата ў радзільні 6-й гарадской клінічнай бальніцы. Фота: 6gkb.by

У некаторых публікацыях пісалі, быццам бы і ежу дарагім (ва ўсіх сэнсах) пацыенткам прыносяць адмысловую, а не звычайную бальнічную. Але супрацоўнікі бальніцы кажуць, што гэта не так:

«Насамрэч, «віпам» прыносяць тую ж самую кашу, што і ўсім астатнім парадзіхам, толькі кладуць ежу не ў металічныя талеркі, а ў прыгожы посуд.

Да таго ж, віп-аддзяленне ў радзільні 6-й гарадской бальніцы — адно з нямногіх месцаў у краіне, дзе можна афіцыйна заплаціць грошы ў касу і выбраць доктара, які будзе прымаць роды. У гэтым выпадку абранага лекара выклічуць на працу ў любы час дня і ночы».

Насамрэч колькасць ахвотных нарадзіць у віп-аддзяленні перавышае яго магчымасці. Заключаны дагавор не гарантуе, што парадзіха патрапіць у тую самую віп-палату — таму што ў радзільным доме, у адрозненне ад гатэля, нельга браніраваць месца на пэўныя даты.

Віп-палата ў радзільні 6-й гарадской клінічнай бальніцы. Фота: 6gkb.by

Таму, па словах супрацоўнікаў радзільнага дома, часта бывае так, што «віп-парадзіх» адпраўляюць замест сямейных палат у палаты падвышанай камфортнасці (а пасля выпіскі вяртаюць розніцу ў цане). У інстаграме радзільні нават пазначана, што запіс на віп-роды абмежаваны з-за фіксаванай колькасці палат сямейнага тыпу.

Заключыць дагавор з радзільным домам можна не раней за 36-ты тыдзень цяжарнасці. Каштуюць віп-роды 2790 рублёў пры трох днях знаходжання ў радзільні і 3890 пры пяці.

«Шасцёрку» даволі часта выбіраюць зоркі — напрыклад, алімпійская чэмпіёнка Дар’я Домрачава (яна нараджала тут першую дачку Ксенію), прызёрка Алімпіяды Аляксандра Герасіменя і жонка футбаліста Аляксандра Глеба.

Каментары5

  • mikola
    06.10.2023
    Zusim nekatoryja Zvar*jaceli ! Carskija umovy IM davai !   Ehaice na Zahad ci u Ameryku !
  • Сонейка
    06.10.2023
    mikola, калі навучыцеся нараджаць, тады і будзеце гаварыць, якія ўмовы вам патрэбны
  • mikola
    06.10.2023
    Ahreneli sa svaim *Vipam* !Narazaice na vioske u hatnih-brudnyh umovah ! A kali ni hapae daktaru-sanitarak sto Rabic ? Nima akuserak ci ginekolagau.!...Smat hto z*ehau ci u Turme !

Цяпер чытаюць

УСУ зноў атакавалі Крымскі мост — абрынуліся аўтамабільны пралёт і арка1

УСУ зноў атакавалі Крымскі мост — абрынуліся аўтамабільны пралёт і арка

Усе навіны →
Усе навіны

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

У Мінску ўжо паставілі першую ёлку5

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго29

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

больш чытаных навін
больш лайканых навін

УСУ зноў атакавалі Крымскі мост — абрынуліся аўтамабільны пралёт і арка1

УСУ зноў атакавалі Крымскі мост — абрынуліся аўтамабільны пралёт і арка

Галоўнае
Усе навіны →

Заўвага:

 

 

 

 

Закрыць Паведаміць