Грамадства1919

Дэпартамент дзяржбяспекі Літвы не знайшоў груп ліцвіністаў, якія пагражаюць бяспецы краіне

Спецслужба таксама адрэагавала на спробы «завербаваць за грошы літоўцаў», што робяцца ў сацсетках.

У Літве «няма арганізаваных груп, якія прапагандуюць ідэалогію ліцвінізму», якія маглі б «уяўляць пагрозу незалежнасці, канстытуцыйнаму ладу і тэрытарыяльнай цэласнасці краіны», заяўляе Дэпартамент дзяржаўнай бяспекі (ДДБ), паведамляе «Позірк».

З адпаведнай заявай ДДБ выступіў у сувязі з «павелічэннем у апошнія тыдні колькасці электронных лістоў, якія рассылаюцца літоўскім палітыкам і грамадскім дзеячам, з пагрозамі ад груп, нібыта прапагандуюць ідэалогію ліцвінізму».

Спецслужба таксама адрэагавала на распачатыя ў сацсетках спробы «завербаваць літоўцаў для напісання лозунгаў гэтай ідэалогіі ў грамадскіх месцах за грашовую ўзнагароду». На думку ДДБ, такая дзейнасць адпавядае асаблівасцям псіха-інфармацыйных аперацый, арганізаваных варожымі Літве дзяржавамі і накіраваных на стварэнне панікі ў грамадстве краіны».

«Пад выглядам ліцвінізму таксама робяцца спробы дыскрэдытаваць дэмакратычную апазіцыю ў Беларусі і выклікаць варожасць літоўскіх грамадзян да беларусаў, якія пражываюць у краіне», — звярнула ўвагу ведамства. Адзначана, што ў Дэпартаменце «адсочваюць працэсы, якія адбываюцца ў новай беларускай дыяспары ў Літве, з мэтай выяўлення і прадухілення рызык і пагроз нацбяспекі».

На пачатак 2024 года, па даных Дэпартамента міграцыі МУС, у Літве пражывала 62 165 грамадзян Беларусі. Беларусы былі другой па колькасці групай замежнікаў, якія пражываюць у Літве, пасля ўкраінцаў. Летась у краіну з мэтай пражывання прыбыло 15 тыс. 817 чалавек, з якіх 150 — грамадзяне Літвы.

Пры гэтым «у сувязі з узрослай пагрозай, якую рэжымы Расеі і Беларусі працягвалі прадстаўляць для Літвы», у 2023 годзе літоўскімі ўладамі «праводзіліся розныя мэтавыя мерапрыемствы па кантролі над грамадзянамі гэтых краін».

Каментары19

  • Валдас
    20.03.2024
    Прямо сейчас литовцы забрасывают Департамент гневными запросами по поводу законности выступления писателя Орлова в Литве.
  • Суслік
    20.03.2024
    А яны ёсць
  • бабруйчанін
    20.03.2024
    Валдас, Дзепартамент дзяржбяспекі Летувы пачне з валдасау- валодзь і ні памыліцца..І будзе ім лаба дєне))

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Сталі вядомыя падрабязнасці разбойнага нападу з пісталетам у Мінску1

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

больш чытаных навін
больш лайканых навін

Крымскі мост зруйнаваны ўдарам украінскіх ракет34

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць