Грамадства22

Навошта былы вядучы АНТ Іван Падрэз далучыўся да блогеркі Мартынавай і ідзе ў Кардынацыйную раду?

Блогер Іван Падрэз вылучаецца ў Каардынацыйную раду ад каманды іншай блогеркі, Таццяны Мартынавай, вядомай часам скандальнымі заявамі. «Наша Ніва» спытала Івана, чаму ён вырашыў пайсці на гэты крок.

Іван Падрэз. Скрын з відэа malina_by / YouTube

Навошта Івану Каардынацыйная рада?

Падрэз кажа, што ён, як і шмат іншых мігрантаў, якія жывуць у Польшчы ўжо дастаткова даўно і паспелі там уладкавацца і абзавесціся пэўнымі сувязямі, хоча дапамагаць іншым беларусам.

«Людзям якія толькі цяпер былі вымушаныя з’ехаць з Беларусі, патрэбная дапамога. Людзі пішуць, але ты разумееш, што табе проста не хапае асабістага рэсурсу, каб дапамагчы ўсім у неабходным аб’ёме.

Таму для мяне Каардынацыйная рада — гэта ў першую чаргу платформа, якая можа больш эфектыўна дапамагаць людзям, якія знаходзяцца ў складанай сітуацыі», — тлумачыць сваё вылучэнне Падрэз.

Па ягоных словах, у людзей, якія ўжо знаходзяцца ў камандзе, ёсць пэўныя рэсурсы і сувязі з мясцовымі ўладамі, якія дапамагаюць падымаць беларускае пытанне.

Трэба, каб не губляўся інтарэс да беларускага парадку дня

«У беларусаў замежжа праблем насамрэч таксама даволі шмат. Польскія ўлады маюць шмат сваіх пытанняў, плюс вельмі востра стаіць украінскае пытанне, губляецца інтарэс да беларускага парадку дня. Таму мая асноўная матывацыя акурат у тым, каб гэтага не адбывалася, каб беларускае пытанне не сыходзіла. Таму нам і патрэбна легальная платформа, якая можа больш эфектыўна ўзаемадзейнічаць з уладамі на розных узроўнях».

Падрэз звяртае ўвагу, што за межамі Беларусі жыве ўжо каля 400 тысяч грамадзян Беларусі, якія з’ехалі з краіны цягам апошніх 3-4 гадоў. На яго думку, гэтая лічба працягне расці, бо сітуацыя ў краіне не паляпшаецца, як у палітычным, так і ў эканамічным плане.

«Людзі, якія будуць працягваць вымушана з’язджаць з Беларусі, мусяць ведаць, што яны не едуць у нікуды. Яны мусяць ведаць, што ёсць вялікае кам’юніці, ёсць орган, у які можна звярнуцца са сваімі праблемамі».

Чаму ідзе разам з Таццянай Мартынавай?

У Каардынацыйную раду Іван Падрэз вылучаецца ад каманды блогеркі Таццяны Мартынавай. Выбар каманды ён тлумачыць тым, што даўно асабіста знаёмы з Таццянай.

«Мы з ёй гадоў з дзесяць сябруем, у нас агульны кар’ерны бэкграўнд, шмат агульных тэм. Але гэта не самае важнае. З пачатку вайны ва Украіне мы вельмі зблізіліся.

Я быў вымушаны эвакуяваць жонку з дзіцём з Харкава, а яна засталася ў Кіеве. На той момант узнік вялікі боль, калі звычайныя ўкраінцы пасля пачатку вайны не падзялялі беларусаў ад расіян. Гэта была вялізарная праблема, якая грызла мяне і Таню.

І яна робіць каласальную работу ў Кіеве дзеля таго, каб скарэктаваць імідж беларусаў, каб украінцы чулі і разумелі, што беларуская ўлада не мае ніякага дачынення да народа. Бо гэта мафія, якая захапіла ўладу».

На думку Івана Падрэза, менавіта Мартынава робіць шмат чаго дзеля таго, каб украінцы разумелі, што беларусы не роўныя рэжыму і не роўныя расіянам.

Таксама Падрэз лічыць, што Таццяна, знаходзячыся ў Кіеве ў статусе сябра Каардынацыйнай рады, зможа працягваць больш эфектыўна працаваць на карысць беларусаў.

Каментары2

  • Абняць і плакаць
    02.05.2024
    Хоча дапамагаць іншым. Не, не дарвацца да кармушкі, і смактаць гранты. Дапамагаць людзям!
  • Логіка жалезная
    02.05.2024
    Ідзе ў кс каб дапамагаць людзям, а чаму раней не дапамагаў? Рэсурса не было. Выснова: ідзе за рэсурсам

Цяпер чытаюць

Від на Каложскую царкву безнадзейна сапсаваны27

Від на Каложскую царкву безнадзейна сапсаваны

Усе навіны →
Усе навіны

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

больш чытаных навін
больш лайканых навін

Від на Каложскую царкву безнадзейна сапсаваны27

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць