Вайна1111

«Нас адкінулі ў сакавік 2022 года». Z-блогеры ў шаленстве ад блакіроўкі Discord

Праз платформу Discord расійскія вайскоўцы рабілі трансляцыі з разведвальных і ўдарных беспілотнікаў, якія дапамагалі забіваць украінцаў. Цяпер платформу заблакаваў Раскамнагляд. Расказваем, што пра гэта пішуць расійскія ваенныя блогеры і чаму расіяне выкарыстоўваюць менавіта Discord.

Расійскі камандны пункт. На камп'ютары з правага боку ідзе трансляцыя з беспілотніка праз Discord

«На пунктах кіравання дзясяткаў злучэнняў упалі трансляцыі з беспілотнікаў, якія працуюць праз закрытыя пакоі Discord. Такім чынам, усіх адкінулі на ўзровень сакавіка 2022 года», — піша Z-канал «Тройка».

Яшчэ адзін Z-блогер пад псеўданімам Вараг піша: «Упалі ўсе стрымы з птушак на штабы. Цяпер замест выканання баявых задач ваяры будуць вынаходзіць, як гэта падняць».

Блогер Раман Алёхін ідзе яшчэ далей:

«Рашэннем заблакаваць у Расіі «Дыскорд» чыноўнікі ўдарылі па фронце, праз што, хутчэй за ўсё, выраслі страты сярод нашых байцоў і тэхнікі. Ім гэта пачалі тлумачыць усе, але вось канец працоўнага дня і час ісці дадому, ды і інструкцый ніякіх не было…»

Яшчэ адзін расійскі камандны пункт. На адным з камп'ютараў (другі злева) адразу пазнаецца праграма Discord

Ён кажа, што перад блакіроўкай Discord варта было прыдумаць, як яго замяніць. «Бачыць на крок наперад і ўменне гэта рабіць паказвае, ці кампетэнтны кіраўнік. Калі гэта не спланаваная акцыя па аслабленні нашых байцоў і дапамозе нашаму праціўніку (не хочацца ў гэта верыць)».

Скандальная кіраўніца Лігі бяспечнага інтэрнэту Кацярына Мізуліна піша, што Discord выкарыстоўваўся, бо «дае самую якасную карцінку, без пікселяў. Няма аніякага аналага на гэты момант».

Канал «Военный осведомитель» заўважае, што Discord на лініі фронту дагэтуль даступны — праз Starlink. Выглядае, цяпер праблема ў тым, каб трансляваць відэа з дронаў для камандавання па-за лініяй фронту, якое кіруе войскамі «на зямлі».

«Наша Нiва» — бастыён беларушчыны

ПАДТРЫМАЦЬ

Каментары11

  • бабруйчанін
    09.10.2024
    Канал «Военный осведомитель» заўважае, што Discord на лініі фронту дагэтуль даступны — праз Starlink.
    ???Старлінк Маскі у рф ?? І ен ні блакуе на лініі фронту??Маск вяртайся " з марсу" на Зямлі яшчэ есць справы..
    А Вы абураецесь " Белшына" белшына " крэветкі анчоусы" ..
  • .
    09.10.2024
    Чаму Маск не можа зрабіць "белы спіс" тэрміналаў, якія будуць працаваць у зоне канфлікту?
    Той спіс хай аднаўляюць украінскія вайскоўцы. А расейскія тэрміналы стануць цэглай.
  • .
    09.10.2024
    1. Тупасць каардынацыі паміж ведамствамі ў бюракратычнай сістэме. РКН не ведалі пра выкарыстанне Discord у войсках, а войскі не чулі пра планы блакіроўкі Discord (якія, дарэчы, былі даўно) і чагосьці чакалі да апошняга.
    Ну і добра.
    2. Discord не вельмі бяспечны мэсэнджар, яго папярэдні ўладальнік прадаў папярэдні свой прадукт кітайцам, з усімі персанальнымі данымі.
    Было б прыгожа, калі б украінцы ціха выкупілі Discord і карысталіся. (Або такія элегантныя схемы робяць зараз толькі ізраільцяне?)
    Зараз расейскія войскі будуць шукаць іншы варыянт, больш бяспечны для іх, і гэтая магчымасць знікне.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю83

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць