Грамадства2222

Выданне Politico агучыла неверагодныя сцэнары на 2025 год. Адзін з іх — звяржэнне Лукашэнкі

Выданне Politico склала спіс 15 «чорных лебедзяў» на 2025 год — так называюць неверагодныя падзеі, якія могуць істотна змяніць жыццё. Адно з прадказанняў тычыцца Беларусі — гэта звяржэнне ўрада Аляксандра Лукашэнкі народам.

Фота: Gavriil Grigorov, Sputnik Kremlin Pool Photo via AP

Гэта прадказанне Эвелін Фаркас, выканаўчай дырэктаркі Інстытута Маккейна пры Універсітэце штата Арызона. З 2012 па 2015 год яна займала пасаду намесніка памочніка міністра абароны па Расіі, Украіне і Еўразіі.

У прадказанні апісваецца, што Святлана Ціханоўская, адчуваючы слабасць Расіі пасля паразы Асада ў Сірыі і эканамічных цяжкасцяў, заклікала людзей зрынуць рэжым. Пуцін у гэтым сцэнары можа быць аслаблены тым, што Украіна уступіла ў НАТА ці Расія пацярпела паразу на полі бою.

«Народ Беларусі змог здабыць свабоду, скарыстаўшыся паслабленнем пазіцый Пуціна і яго няздольнасцю ўмяшацца і выратаваць Лукашэнку», — кажацца ў прадказанні.

Сярод іншых неверагодных прагнозаў на 2025-ты — успышка інфекцыі, альянс Трампа і Сі Цзіньпіна, абвал фінансавых рынкаў.

Варта адзначыць, што імавернасць такіх прадказанняў нізкая. Напрыклад, з 15 «чорных лебедзяў», якія Politico прадказвала на 2024 год, у той ці іншай ступені спраўдзіліся тры — смерць на мітынгу Трампа (але там апісвалася патасоўка прыхільнікаў), напад на кандыдата ў прэзідэнты ЗША і хаос, выкліканы глабальным пацяпленнем (дапусцім, тут можна згадаць вялікую паводку ў Іспаніі). Два эксперты наогул ставілі на бунт супраць Пуціна ў 2024-м. «Чорныя лебедзі», зрэшты, так і называюцца, бо малаімаверныя.

Каментары22

  • статак
    06.01.2025
    Святлана Ціханоўская, адчуваючы слабасць Расіі пасля паразы Асада ў Сірыі і эканамічных цяжкасцяў, заклікала людзей зрынуць рэжым
    ...
    дзякуй табе божа, што даў нам такую вялікую павадырку
  • Беларус
    06.01.2025
    Эх, не верыць НН у свой народ
  • Ганьба
    06.01.2025
    :) Ну як заўжды: не арганізуе звяржэнне, а заклікае народ звергнуць...

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю82

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць