Свет11

Польшча не дала славацкай дэлегацыі дазвол на пралёт у Маскву. Тыя ляцелі ў абход

Польшча не дала дазвол на пралёт праз сваю паветраную прастору самалёту славацкай парламенцкай дэлегацыі, якая накіроўвалася на сустрэчу ў Маскву. Дэпутатам прыйшлося ляцець праз Чэхію і Нямеччыну. Польскі бок патлумачыў рашэнне недахопам папер у заяўцы славакаў на палёт. 

Андрэй Данко і кіраўнік МЗС Расіі Сяргей Лаўроў на сустрэчы ў Сочы, 13 лютага 2019 года. Фота: МЗС РФ

Віцэ-спікер Нацыянальнай рады Андрэй Данко, які быў у складзе дэлегацыі, што прыляцела ў Расію, абурыўся польскім бокам.

«Я не разумею такога падыходу, але гэта рэальнасць, з якой трэба змірыцца», — пракаментаваў Данко рашэнне польскіх уладаў.

У МЗС Польшчы абверглі абвінавачанні, там кажуць, што забароны не было, а была кепская арганізацыя палёту са славацкага боку.

«Мы не адмовілі славацкаму боку ў палёце, яны даслалі нам няпоўныя дакументы, без ноты, а потым, падчас разгляду справы — калі іх папрасілі дапоўніць — паведамілі нам аб змене маршруту», — заявіў PAP прэс-сакратар МЗС Павел Уроньскі.

У складзе славацкай дэлегацыі знаходзяцца два віцэ-спікеры парламента — Андрэй Данко і Тыбар Гашпар, а таксама некалькі дэпутатаў.

Асноўная мэта іх візіту — абмеркаванне працягу паставак расійскага газу ў Славакію і перспектыў мірнага ўрэгулявання расійска-ўкраінскага ваеннага канфлікту.

Раней Андрэй Данко адзначыў, што прэм'ер-міністр Славакіі Роберт Фіца пачаў дыялог з Расіяй падчас свайго візіту ў Маскву ў снежні мінулага года. Цяпер Славакія мае намер развіваць адносіны з Расіяй на ўзроўні парламента.

Вяртанне дэлегацыі Славакіі з Расіі запланавана на 15 студзеня.

Каментары1

  • Чарвяк
    13.01.2025
    Цяпер Славакія мае намер развіваць адносіны з Расіяй на ўзроўні парламента

    Европейский раздрай.... А визы, все лукашисты и его опричники ездят по венгерским и словацким визам в Европу с одной изменённой буквой в фамилии во втором белорусском паспорте. Не зря диктатор сделал такую возможность. эти две страны - это 5 "колонны" в ЕС и "разваливают" ЕС изнутри.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю83

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць