Свет33

НАТА перастане дзяліцца дэталямі вайсковай дапамогі Украіне. Зразумелі, што гэта дапамагае Пуціну

НАТО больш не будзе апублічваць падрабязнасці пра пастаўкі зброі ва Украіну. Такое рашэнне прынята для таго, каб ускладніць Расіі планаванне ваенных аперацый. Пра гэта паведамілі прадстаўнікі трох краін альянсу напярэдадні саміту, які адбудзецца ў Гаазе 24—26 чэрвеня, піша The Moscow Times.

Фота: Pierre Crom/Getty Image

Гэта не першы выпадак засакрэчвання даных: Германія ўжо спыніла публікаваць звесткі аб перадачы Украіне дальнабойных ракет Taurus, а пазней і ўвогуле засакрэціла ўсю інфармацыю, якая тычыцца вайсковай дапамогі.

«Спачатку мы выкладалі ўсё, нават колькасць ракет і снарадаў. Потым зразумелі, што гэта дапамагае Пуціну, а не грамадству», — расказаў нямецкі дыпламат.

Паводле крыніц The Moscow Times, у НАТА растуць перасцярогі, што Расія скарыстоўвае празмерную адкрытасць альянсу. Увесь змест публічных выступаў і прэс-канферэнцый амаль імгненна з’яўляецца ў тэлеграм-каналах, якія, як адзначаецца, уважліва сочаць за інфармацыяй.

Асаблівую цікавасць расійскія СМІ праяўляюць да сустрэч міністраў з прадстаўнікамі Украіны — напрыклад, пасля перамоў з міністрам абароны Рустэмам Умеравым, калі НАТА вырашыла выдзеліць Кіеву €20 мільярдаў вайсковай дапамогі на 2025 год.

Крыніцы адзначаюць, што расійскія тэлеканалы актыўна аналізуюць заявы НАТА і падаюць іх у спрыяльным для Крамля святле. Таксама выкарыстоўваецца тактыка дыскрэдытацыі заходніх лідараў праз дэзынфармацыю: напрыклад, супраць прэзідэнта Францыі Эмануэля Макрона, канцлера Германіі Фрыдрыха Мерца і прэм'ер-міністра Вялікабрытаніі Кіра Стармера распаўсюджваліся фэйкі, у тым ліку спробы прадставіць звычайную сурвэтку як пакет з наркотыкамі.

Гэта частка больш шырокай інфармацыйнай стратэгіі Крамля, якая накіраваная на стварэнне скандалаў і падрыў даверу да краін, што падтрымліваюць Украіну.

Каментары3

  • Барадзед
    17.06.2025
    Раша на пределе своих возможностей. Ещё бы нефть подешевела.
  • Фэйспал
    17.06.2025
    Чаго яны там такія тугадумы?! Каб зразумець такія простыя рэчы ім спатрэбілася амаль 3,5 гады 🤦🏼‍♂️
  • смех і грэх
    17.06.2025
    Бо сорамна прызнацца, як мала яны даюць

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера3

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

больш чытаных навін
больш лайканых навін

Крымскі мост зруйнаваны ўдарам ракет «Фламінга»32

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць