Свет22

Трамп дазволіў НАТА збіваць расійскія самалёты і пахваліў Украіну за выдатную працу

Прэзідэнт ЗША Дональд Трамп на палях Генасамблеі ААН правёў кароткі сумесны брыфінг з прэзідэнтам Украіны Уладзімірам Зяленскім. Ён доўжыўся ўсяго 7 хвілін, але Трамп паспеў зрабіць некалькі заяў.

Фота: AP Photo/Evan Vucci

Адказваючы на адпаведнае пытанне прэсы, Дональд Трамп заявіў, што краіны — удзельніцы НАТА маюць поўнае права збіваць расійскія вайсковыя самалёты, якія ўварваліся ў іх паветраную прастору.

На яго думку, вайна паміж Расіяй і Украінай скончыцца няхутка. Аднак ён убачыў прагрэс для мірнага ўрэгулявання ў паслабленні расійскай эканомікі:

«Найбольшы прагрэс у намаганнях спыніць вайну заключаецца ў тым, што эканоміка Расіі знаходзіцца ў вельмі дрэнным стане. Людзі думалі, што Расія справіцца за тры дні — гэта ж вельмі вялікая краіна, — але Украіна вельмі добра ўмее іх спыняць, гэта вельмі смелыя людзі, салдаты робяць сваю працу выдатна. Расія не асабліва праславілася тым, што працягвае ваяваць ужо 3,5 года».

Ні Дональд Трамп, ні Уладзімір Зяленскі ніяк не згадвалі тэму магчымай сустрэчы з Пуціным. На пытанне ж, ці давярае ён па-ранейшаму расійскаму прэзідэнту, Трамп сказаў, што адкажа на яго «праз месяц».

Не гатовы ён проста цяпер гаварыць і пра гарантыі Украіне:

«Мы будзем гаварыць пра гэта. Спадзяюся, у нас будзе магчымасць пагаварыць пра гэта крыху пазней. Цяпер адказваць на гэтае пытанне рана».

Каментары2

  • Жвір
    23.09.2025
    У такім разе, як разумець заяву Рубіа, які ўдакладніў, што NATO будзе зьбіваць расейскія паветраныя аб'екты ў межах краінаў ал'янсу толькі ў выпадку, калі яны атакуюць...?
  • Адказ
    23.09.2025
    Завецца стратэгічная няўпэўненасць.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка8

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

BepiColombo даляцеў да Меркурыя — пасля васьмі гадоў падарожжа ў космасе ён выйдзе на арбіту гэтай загадкавай планеты5

У Гомельскім маладзёжным тэатры Караткевіча паказваюць па-руску15

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю83

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка8

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць