МЗС Італіі выклікала расійскага пасла пасля таго, як Салаўёў назваў Джорджу Мелоні «шл**ай»
Зневажаў Салаўёў на італьянскай мове.

Міністр замежных спраў Італіі Антоніа Таяні даручыў выклікаць расійскага пасла Аляксея Парамонава, каб выказаць афіцыйны пратэст, паведамляе «Дождь» са спасылкай на агенцтва ANSA.
Учора ў эфіры «Соловьёв Live» Уладзімір Салаўёў на італьянскай мове назваў Джорджу Мелоні «шл**ай» і «фашысцкай нечысцю», бо яна «здрадзіла Трампу, якому клялася ў вернасці». Пазней гэтыя словы заўважылі і буйныя італьянскія медыя.
«Я лічу сваім абавязкам запатрабаваць ад расійскага пасольства ў Італіі, якое часта робіць заявы, дыстанцыявацца ад гэтых слоў і тону», — заявіў міністр абароны Італіі Гвіда Кразэта.
Сам жа расійскі пасол заявіў, што італьянскія дыпламаты «ў чарговы раз трапілі ў штангу»: «Ніводнаму разумнаму разважнаму чалавеку ніколі не прыйшло б у галаву ўспрымаць выключна асабістыя эмацыйныя прыватныя ацэнкі каго б там ні было як афіцыйную заяву ўрада той ці іншай дзяржавы».
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
-
Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары