Эканоміка11

Кампанія, якая хацела зарабіць на пастаўках у ЕС калійнай солі пад выглядам солі для дарог, кінула «Беларуськалій» і збанкрутавала

Эканамічны суд Мінска прызнаў банкрутам «Еўрапейскае аграрнае агенцтва». Не ўсе з 60 крэдытораў, якія разлічвалі зарабіць на схеме, нават вернуць свае інвестыцыі. Галоўны кінуты — сам «Белкалій».

5 мая 2026 года Эканамічны суд горада Мінска вынес рашэнне па справе № 155НБ2542: прызнаць ТАА «Еўрапейскае аграрнае агенцтва» (ЕАА) банкрутам і адкрыць ліквідацыйную вытворчасць.

Працуючы як дылер сельскагаспадарчай тэхнікі з 2016-га, гэтая кампанія стала вядомая тым, што ў 2020-х, зрабіла рызыкоўную стаўку на спробу зарабіць на няпрофільным для сябе бізнесе ва ўмовах санкцый. 

«Кіберпартызаны» разам з Супольнасцю чыгуначнікаў Беларусі і журналістамі Беларускага расследавальніцкага цэнтра выявілі, што кампанія стала пастаўляць у ЕС на той момант падсанкцыйную калійную соль пад выглядам солі для пасыпкі дарог.

У гэты бізнэс, імаверна, кампанія пайшла ў апошняй надзеі палепшыць сваё фінансавае становішча: «Еўрапейскае аграрнае агенцтва» было эмітэнтам аблігацый, якія ў 2024 не змагла пагасіць.

Але бізнэс з пастаўкамі санкцыёнкі не выгарэў. 

На момант сыходу ў банкруцтва мажарытарным уласнікам кампаніі (55%) з'яўляецца прыватная эстонская кампанія European Agricultural Agency, за якой стаяць беларусы Сяргей Купрыяновіч і Аляксандр Багачэнка, а 45% у дачкі «Беларуськалія» — «Беларускалій-Агра», які сам і падаў заяву на банкруцтва, з'яўляючыся крэдыторам кампаніі. 

Як можна зразумець з матэрыялаў справы, найбольшы доўг кампаніі менавіта перад «Беларуськаліем». Але дакладная сума, якую «Еўрапейскае аграрнае агенцтва» павінна «Беларуськалію» за пастаўкі солі, невядомая. Па ацэнках, якія грунтуюцца на ранейшых патрабаваннях, сума можа быць каля 3 мільёнаў рублёў. 

Агулам у рэестр уключаны патрабаванні 60 крэдытораў на 13 мільёнаў рублёў. Актывы ЕАА па выніках конкурснай вытворчасці ацэненыя ў 11,8 мільёна рублёў, але 8,7 мільёна з іх — гэта дэбіторская запазычанасць.

Грошай на разліковым рахунку засталося толькі 74 тысячы рублёў. 

Іншымі словамі, больш за ўсё прайграў у сітуацыі «Беларуськалій». Беларусы з Эстоніі — Багачэнка і Купрыяновіч — на пасяджэнне ў Мінску не з'явіліся. 

Каментары1

  • Ну
    23.05.2026
    Ну вось, трумп з яго схематозамі такі перспектыўны "бізнес" сарваў

Цяпер чытаюць

Крымскі мост зруйнаваны ўдарам ракет «Фламінга»7

Крымскі мост зруйнаваны ўдарам ракет «Фламінга»

Усе навіны →
Усе навіны

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім7

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

У Мінску ўжо паставілі першую ёлку5

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

больш чытаных навін
больш лайканых навін

Крымскі мост зруйнаваны ўдарам ракет «Фламінга»7

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць