Свет

У Польшчы загарэлася станцыя Starlink, якая дае доступ да інтэрнэту ва Украіне. Не выключаюць дыверсіі

Увечары 23 верасня на тэрыторыі наземнай базавай станцыі спадарожнікавай сувязі Starlink у Волі-Крабоўскай Мазавецкага ваяводства адбыўся пажар. Гэтая інфраструктура забяспечвае доступ да інтэрнэту для значнай часткі Цэнтральнай і Усходняй Еўропы, у тым ліку Украіны, паведамляе RMF24.

Фота: Krzysztof Zasada / RMF FM

Пра пажар у экстранныя службы паведаміў уладальнік тэрыторыі, дзе размешчана абсталяванне. Паводле яго слоў, загарэліся антэны, а таксама быў пашкоджаны генератар. Пажарнікі прыбылі на месца і патушылі агонь.

Паводле папярэдніх высноў службаў, адной з магчымых прычын магло стаць наўмыснае падпальванне размеркавальнай прылады. Разам з тым разглядаецца і версія кароткага замыкання ў электрычнай сістэме.

На месца здарэння накіравалі паліцыянтаў з падраздзяленняў прэвентыўнай службы і супрацоўнікаў ваяводскай камендатуры. Пра інцыдэнт таксама паведамілі Агенцтву ўнутранай бяспекі і Цэнтральнаму следчаму бюро паліцыі. Паліцэйскія тэхнікі працягваюць збіраць і замацоўваць сляды на месцы пажару, а размешчаную побач вёску патрулююць супрацоўнікі прэвентыўнай службы.

На тэрыторыі станцыі знаходзіцца каля дзясятка белых антэн у форме шароў дыяметрам прыкладна два метры. Уся тэрыторыя абнесеная металічнай агароджай.

Станцыя ў Воля-Крабоўскай разам з падобным аб'ектам каля Коўна ў Літве забяспечвае інтэрнэтам значную частку Цэнтральна-Усходняй Еўропы.

Міністр лічбавізацыі Польшчы Кшыштаф Гаўкоўскі заявіў, што шмат што сведчыць на карысць версіі аб наўмыснай спробе парушыць працу станцыі. Ён адзначыў, што аб'ектам кіруе дзяржаўны тэлекамунікацыйны аператар Exatel, які ўдзельнічае ў забеспячэнні інтэрнэт-бяспекі і перадае інтэрнэт у тым ліку ва Украіну.

Па словах Гаўкоўскага, адключэнне падобных станцый магло б прывесці да перабояў з інтэрнэтам, а ў выніку паўплываць, напрыклад, і на працу банкаматаў. Міністр падкрэсліў, што такія тэлекамунікацыйныя перадатчыкі могуць вызначаць, ці будзе інтэрнэт у пэўнай частцы Польшчы, Еўропы або Украіны.

Каментары

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

больш чытаных навін
больш лайканых навін

Крымскі мост зруйнаваны ўдарам ракет «Фламінга»28

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць