Свет11

Данія папярэдзіла, што ў найбліжэйшыя месяцы Расія можа атакаваць адну з краін НАТА

Служба вайсковай разведкі і бяспекі Даніі (DDIS) заявіла, што ў найбліжэйшыя месяцы Расія можа правесці абмежаваную ваенную аперацыю супраць адной з краін НАТА. Пры гэтым дацкая разведка ацэньвае верагоднасць такога сцэнару як нізкую, але такую, што расце, піша The Moscow Times.

Здымак ілюстрацыйны. Фота: Martin Sylvest Andersen/Getty Images

Кіраўнік DDIS Томас Арэнк’ель дапусціў, што Расія можа перакінуць невялікую колькасць вайскоўцаў, у тым ліку без апазнавальных знакаў, на тэрыторыю суседняй з ёй краіны НАТА. У якасці магчымага абгрунтавання ён назваў неабходнасць «абароны мясцовых рускіх меншасцяў».

Іншым варыянтам можа стаць выкарыстанне дальнабойнай зброі супраць інфраструктуры, якая выкарыстоўваецца для падтрымкі Украіны. Паводле кіраўніка разведкі, такія дзеянні маглі б быць накіраваныя на раскол Паўночнаатлантычнага альянсу.

У той жа час поўнамаштабнае ўварванне Расіі ў краіну НАТА дацкая разведка лічыць вельмі малаверагодным. Паводле яе ацэнкі, для падрыхтоўкі такой аперацыі Крамлю спатрэбілася б каля шасці месяцаў для нарошчвання вайсковай групоўкі.

Данія таксама папярэджвае пра ўзмацненне расійскіх гібрыдных аперацый супраць еўрапейскіх краін. Сярод магчымых дзеянняў называюцца разбуральныя кібератакі, здольныя вывесці са строю важныя для грамадства сістэмы, а таксама дыверсіі, якія могуць прывесці да чалавечых ахвяр.

Міністр абароны Даніі Епэ Брус заявіў, што Расія цяпер сутыкаецца з большым ціскам, чым у любы момант з пачатку вайны ў лютым 2022 года, але не дасягае сваіх мэтаў і таму, паводле яго слоў, атакуе краіны, якія падтрымліваюць Украіну. Пры гэтым дацкія ўлады лічаць, што ў найбліжэйшыя шэсць месяцаў Расія не зможа дамагчыся значнага прарыву на фронце.

Раней заходнія спецслужбы неаднаразова заяўлялі, што праз некалькі гадоў Расія можа пераключыць увагу на краіны НАТА. Асцярогі саюзнікаў узмацніліся пасля серыі атак на еўрапейскую інфраструктуру, якія, аднак, не дасягалі ўзроўню, неабходнага для прымянення артыкула 5 Паўночнаатлантычнай дамовы аб калектыўнай абароне.

Паводле ацэнкі дацкай разведкі, Расіі па-ранейшаму спатрэбіцца каля двух гадоў для стварэння рэальнай пагрозы рэгіянальнай вайны, і каля пяці гадоў — для пачатку маштабнай вайны ў Еўропе.

Папярэджанні пра магчымую спробу Расіі праверыць гатоўнасць НАТА да адказу раней таксама рабілі спецслужбы Чэхіі, Швецыі, Латвіі і Польшчы. Кіраўнік чэшскай Службы бяспекі і інфармацыі Міхал Коўдэлка казаў, што гаворка можа ісці пра абмежаванае ўварванне, правакацыі пад чужым сцягам або маштабную кампанію ўплыву, якая можа адбыцца ўжо ў найбліжэйшыя месяцы.

Каментары1

  • И
    24.09.2026
    Если вспомнить самое начало 2022 года, то стоит насторожиться когда начнут эвакуировать дипмиссии в одной из стран ЕС. Вот тогда будет ясно, что рф будет атаковать. Но здесь удивляет другое, война уже пятый год идет, а в ЕС только и делают, что выражают глубокую озабоченность.

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

больш чытаных навін
больш лайканых навін

Крымскі мост зруйнаваны ўдарам ракет «Фламінга»28

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць