Свет2727

«Джэй Дзі, каханенькі!» Тролінг Эль-Саеда на адрас Вэнса завірусіўся ў сацсетках

Віцэ-прэзідэнт ЗША Джэй Дзі Вэнс падчас выбарчай кампаніі зрабіў левага дэмакрата Абдула Эль-Саеда галоўным аб’ектам сваіх атак. Але той перамог на выбарах у Мічыгане і ў сваёй пераможнай прамове пакпіў як з Вэнса, так і з Дональда Трампа.

Cенатар Абдул Эль-Саед. Фота: Salwan Georges / Getty Images

На выбарах 3 лістапада 42‑гадовы Абдул Эль-Саед перамог у штаце Мічыган рэспубліканца Майка Роджэрса. Ён стане першым мусульманінам у гісторыі Сената ЗША. Ягоная перамога з саліднай, 7‑працэнтнай перавагай, стала асабліва заўважнай на фоне кампаніі, падчас якой вядучыя рэспубліканцы атакавалі яго не толькі за палітычныя погляды, але і за мусульманскае веравызнанне.

У кастрычніку, выступаючы на мітынгу ў падтрымку рэспубліканца Майка Роджэрса, Джэй Дзі Вэнс абвінаваціў Абдулу Эль-Саеда ў нелюбові да Амерыкі і непавазе да яе гісторыі. Ён заявіў, што дэмакрат, які нарадзіўся і вырас у Мічыгане, павінен быць удзячны краіне за магчымасці, якія атрымаў.

Віцэ-прэзідэнт назваў Эль-Саеда «ласачкай» (little weasel), якой варта заткнуць рот і быць удзячным Амерыцы.

У англійскай мове weasel — не толькі назва звярка, але і зняважлівае абазначэнне хітруна, праныры, як у нас ліса. Эль-Саед адказаў, што ён не ласка, а расамаха (wolverine), намякнуўшы на назву спартыўных камандаў Мічыганскага ўніверсітэта, які ён скончыў, — Michigan Wolverines («Мічыганскія расамахі»).

Пасля перамогі Эль-Саед не прапусціў нагоды пакпіць з Вэнса. Выступаючы перад прыхільнікамі ў Дэтройце, ён звярнуўся непасрэдна да віцэ-прэзідэнта:

«Джэй Дзі, хабібі, вельмі смешна, што, паводле Канстытуцыі ты будзеш абавязаны прывесці мяне да прысягі ў студзені».

Хабібі па-арабску азначае «даражэнькі», «каханенькі». У гэтым выпадку ласкавы зварот прагучаў як паблажлівая іронія з чалавека, які незадоўга да выбараў публічна абражаў Эль-Саеда. У падтэксце тут яшчэ і падкрэслена маскулінны стыль, якога стараецца трымацца Вэнс.

Людзі ў зале выбухнулі смехам.

«Расамахі» — 1, «Бакайз» — 0», — працягнуў Эль-Саед, намякаючы на даўняе суперніцтва Мічыганскага ўніверсітэта з Універсітэтам штата Агаё, які скончыў Вэнс. Спартыўныя каманды апошняга называюцца «Бакайз» (Buckeyes

).

Дасталося і Дональду Трампу. Падчас кампаніі прэзідэнт неаднаразова перакручваў імя Эль-Саеда, называючы яго «Махамедам», і выкарыстоўваў у дачыненні да яго слова «джыхадыст».

«Дональд, я ведаю, што табе цяжка даецца маё імя. Таму пасля таго, як Джэй Дзі прывядзе мяне да прысягі ў студзені, можаш называць мяне проста сенатарам», — са смехам заявіў пераможца.

Відэа з пераможнай прамовай завірусілася па сацсетках. Многія назвалі зварот да Вэнса «тролінгам найвышэйшага ўзроўню».

Вось поўнае відэа прамовы Эль-Саеда:

Хто такі Абдул Эль-Саед

Новаабраны сенатар нарадзіўся ў Мічыгане ў сям'і выхадца з Егіпта, які прыехаў у ЗША вучыцца. Сам палітык вывучаў біялогію і паліталогію ў Мічыганскім універсітэце, пасля чаго атрымаў доктарскую ступень у галіне грамадскага здароўя ў Оксфардзе, дзе вучыўся па прэстыжнай стыпендыі Родса. Пазней ён скончыў медыцынскую школу Калумбійскага ўніверсітэта.

У 30 гадоў Эль-Саед узначаліў дэпартамент аховы здароўя Дэтройта, пазней кіраваў адпаведнай службай акругі Уэйн. 

На выбарах у Сенат Эль-Саед выступаў за бясплатную медыцыну для ўсіх, павышэнне падаткаў для багатых і абмежаванне ўплыву карпарацый на палітыку. Таксама ён рэзка крытыкаваў Ізраіль за руйнаванне Газы.

Каментары27

  • Янка
    05.11.2026
    Ну можа хоць зараз людзі з Афрыкі ды Азіі пачнуць плыць ня ў Эўропу, а да свайго "пабраціма" сенатара-аднаверца у Амэрыку.
    А можа шчэ й тыя, хто ўжо прыехаў у Эўропы, спакусяцца на лепшую долю за акіянам і сплывуць з усім сваім майном і незлічонымі вывадкамі назаўсёды ў далёкую Амэрыку. Няблага было б.
  • Ну-ну
    05.11.2026
    Віталь, раскажыце, калі ласка, а жонка JD Вэнса, якая застаецца практыкуючай індуісткай і публічна неаднаразова адмаўлялася прыняць хрысьціянства – гэта як? А сяброўства з геем і мігрантам Тылем – гэта як? Вы не понімаете, это другое?
  • Абы-што
    05.11.2026
    Віталь , хто каго закопвае? Нас бы хто закапаў да гэтага ўзроўню.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць