Музыка2222

Аўтар песні «Владимир Путин — молодец!» прыехаў у Беларусь скараць «Фактар.by»

Алег Ліхачоў марыў з дапамогай БТ стаць «афіцыйнай зоркай» у Расіі. На беларускім шоу ён спеў аўтарскую песню, на стварэнне якой натхніў эратычны сон з Вольгай Бузавай у галоўнай ролі.

Алег Ліхачоў. Тут і далей скрыншоты відэа БТ

У 2014 годзе расіянін Алег Ліхачоў выпусціў песню «Владимир Путин — молодец!» (спяваў яе сын мужчыны). Адбылося гэта пасля анексіі Крыма — аўтар пачуў крычалку «Пуцін — х*ло!» і вырашыў творча абараніць расійскага прэзідэнта.

Галоўны боль Ліхачова ў тым, што песня пра Пуціна імгненна стала мемам, а вось прозвішча аўтара нікому не знаёма і тым больш ніхто не пазнае яго ў твар.

Пасля гэтага ў Алега было шмат чаго крынджовага ў жыцці. Ён прысвячаў песні Кадыраву, патрыярху Кірылу ды Жырыноўскаму — аб’яднаў усё гэта ў альбом «Зоркі Расіі». Называў сябе стваральнікам жанру «патрыятычнай эксцэнтрыкі».

Уступіў у партыю «Камуністы Расіі», стаў муніцыпальным дэпутатам Янцаварскага сельскага паселішча (там жыве 160 чалавек).

Спрабаваў нават скарыць «Еўрабачанне» з англамоўнай версіяй свайго галоўнага хіта, але расійскі аргкамітэт праігнараваў яго заяўку.

Ліхачоў спрабаваў судзіцца з Пуціным, бо палічыў, што атрымаў матэрыяльныя страты ад яго эканамічнай палітыкі. Алег запатрабаваў «вярнуць» ненабытую хату з лазняй і гаражом, дзве іншамаркі, а таксама вярнуць былую жонку ў сям'ю. Канечне, суд адхіліў яго пазоў, спасылаючыся на прэзідэнцкую недатыкальнасць.

Але ж у 2022 годзе Ліхачоў заявіў, што як і раней падтрымлівае Пуціна, і працягнуў пісаць ідэалагічныя песні.

Больш за ўсё мужчына марыць стаць «афіцыйнай зоркай» у Расіі. У яго ўяўленні для гэтага неабходна, каб яго песню ўзялі ў ратацыю на тэлебачанне ці на радыё. Але нягледзячы на тое, як аддана Алег дэманструе сваю любоў да расійскіх уладаў, дасягнуць мэты не атрымліваецца.

Цяпер Ліхачоў вырашыў паспрабаваць прабіцца на расійскую эстраду праз БТ і прыехаў на шоу «Фактар.by». Не без гонару казаў, што для яго гэта ўжо 16‑ы буйны праект. 

Тут Алег спяваў аўтарскую песню. На дзіва, кампазіцыя прысвечана не Пуціну (і нават не Лукашэнку), а Вользе Бузавай (спявачка сядзіць у журы тэлевізійнага шоу). Па словах мужчыны, напісаць тэкст яго натхніў эратычны сон з расійскай артысткай у галоўнай ролі.

Там ёсць такія словы:

«Мне приснилась Бузова,
Ей сделал карапуза я.
И звонкий смех звучит вокруг.
Я Олин супруг».

Суправаджалася ўсё гэта дзіцячымі фотаздымкамі Вольгі Бузавай. Сама спявачка ў нейкі момант схапілася за галаву. Па тварах астатніх членаў журы было бачна, наколькі складана ім успрымаць творчасць Ліхачова. Маладыя дзяўчаты ў зале закатвалі вочы, калі бачылі, як спявак паказвае жэстамі жывот, як у цяжарнай.

Каб не забыць словы, мужчына запісаў іх на руцэ.

Скончыўшы выступ, Алег прызнаўся, што дасылаў гэту песню прадзюсару Бузавай яшчэ ў 2019 годзе — той заблакаваў Ліхачова праз тры хвіліны. Вольга паабяцала разабрацца.

У выніку Ліхачоў пачуў «Так!» толькі ад Стаса Ярушына і Вольгі Бузавай — у праект ён не прайшоў (для праходжання трэба мінімум тры галасы). 

Дарэчы, Алег Ліхачоў вядомы не толькі як аўтар крынджовай песні пра Пуціна, але і як чалавек, які здае сперму амаль у прамысловых маштабах. Ён выхваляецца тым, што зрабіў вялікі ўнёсак у паляпшэнне дэмаграфічнай сітуацыі ў Расіі. Кажа, ад яго нарадзілася каля 70 дзяцей.

Мужчына, распавёў пра матывацыю — хацеў адрадзіць інтэлігенцыю і зарабіць грошай. 

Каментары22

  • Аптека Чиканук
    09.11.2026
    Шьёрт побьери .
    Вялікая падзяка Вам за информацию
  • Эсмант, запісывай
    09.11.2026
    Саюзна-патрыятычны рэп-батл паміж ім і Грышай.
  • указ імператара пу
    09.11.2026
    У сувязі з тым, што "на СВА пацерь нет", загадваю Алегу патроіць нарыхтоўку і здачу ў банкі і шклянкі гасударства расейскага семянной вадкасці - дабы не звяліся ідыёты на зямлі расейскай.

Цяпер чытаюць

На канцэрт Кадышавай у Мінску ў какошніках прыйшлі нават мужчыны79

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны79

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць