Здароўе55

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент

Звычка пачынаць дзень з кубка кавы не проста ідзе на карысць страваванню, але і служыць прафілактыкай цяжкіх узроставых захворванняў. Дзякуючы новаму даследаванню высветлілася, як менавіта напой мадулюе мікрафлору і да чаго тут перыстальтыка ўнутраных органаў.

Фота з сацсетак

Як звярнуў увагу тэлеграм-канал «cybulinka» на даследаванне ў часопісе Gut Microbiology, у эксперыменце навукоўцаў з Капенгагенскага ўніверсітэта ўзяў удзел 61 здаровы чалавек.

Добраахвотнікаў падзялілі на дзве групы на аснове васьмідзённых дзённікаў харчавання: тых, хто спажывае каву часта (больш за тры дні з васьмі), і тых, хто п'е яе рэдка. Сярэдняе спажыванне ў першай групе склала 343 мілілітры на дзень, тады як у другой — каля 18 мілілітраў. Даследчыкі штодня аналізавалі ўзоры іх мікрабіёты, а таксама шукалі ў мачы кафеін і яго метабаліты.

Каб даведацца, што менавіта адбываецца са страўнікам пасля выпітай кавы, 50 удзельнікаў праглынулі бесправадную капсулу SmartPill. Гэтая прылада памерам 26,8 на 13 міліметраў — нестрававальны датчык. Праходзячы праз страўнікава-кішачны тракт, капсула ў рэальным часе збірае даныя пра тэмпературу, узровень pH і ціск, які адлюстроўвае скарачэнні цягліц.

Інфармацыя перадаецца праз радыёхвалі на знешні прыёмнік, замацаваны на жываце пацыента. Тэхналогія дазволіла даследчыкам дакладна фіксаваць час знаходжання капсулы ў розных аддзелах кішэчніка і фізіялагічныя змены на розных этапах стрававання.

Вынікі паказалі, што частае спажыванне кавы наўпрост звязана з большай разнастайнасцю мікраарганізмаў.

У аматараў напою навукоўцы зафіксавалі павышаную колькасць бактэрый роду Lawsonibacter і Slackia, якія здольныя перапрацоўваць карысныя рэчывы — паліфенолы.

Адначасова звесткі з капсул пацвердзілі сувязь паміж метабалітамі кафеіну і падвышаным ціскам у тоўстым кішэчніку.

Актыўныя скарачэнні мускулатуры дапамагаюць змешваць змесціва і падтрымліваць страваванне, што тлумачыць вядомы эфект кавы, які прымушае людзей ісці ў прыбіральню неўзабаве пасля кубка напою. Навукоўцы адзначаюць, што такая стымуляцыя можа служыць прафілактыкай запораў і нават зніжаць рызыку развіцця хваробы Паркінсона, для якой праблемы з перыстальтыкай з'яўляюцца адным з ранніх сімптомаў.

Пры гэтым даследчыкі ўдакладняюць, што больш актыўнае змешванне не абавязкова прыводзіць да паскарэння агульнага часу праходжання ежы праз арганізм.

Побач з чаканымі вынікамі датчыкі зафіксавалі з'яву, якая патрабуе дадатковага вывучэння. У групе людзей, якія рэгулярна пілі каву, узровень pH у тонкім кішэчніку быў значна ніжэйшым у параўнанні з тымі, хто ўжываў яе рэдка.

Навукоўцы пакуль не высветлілі дакладны механізм гэтай з'явы: невядома, ці кава наўпрост змяняе фізіялагічныя параметры і ўплывае на кіслотнасць, ці гэта вынік змяненняў у мікробным метабалізме ў адказ на рэгулярнае паступленне кафеіну.

Даследаванне даказвае, што штодзённая кава выконвае ролю не толькі стымулятара нервовай сістэмы, але і актыўнага мадулятара кішачнай мікрабіёты.

Фізіялагічныя даныя, сабраныя з дапамогай электронных капсул, пацвярджаюць здольнасць напою ўплываць на перыстальтыку, аднак поўны спектр наступстваў ад зніжэння ўзроўню pH у тонкім кішэчніку застаецца прадметам для будучых навуковых прац.

Каментары5

  • лол
    15.11.2026
    Абы-што, какое прекрасное наблюдение насчёт детей и беременных! Всё что нельзя детям и беременным очевидно что это яд! )))
  • Molto bene
    15.11.2026
    Абы-што, сярод тых, каму за 80 у маладосці, у СССРы кавы не пілі наогул, а толькі чай.
    А фінансаваць рэкламу ўжывання кавы - "грошы на вецер", бо каваманы згодныя плаціць за яе істотныя грошы, ... як і я )
  • ?
    16.11.2026
    Molto bene, А вось усе італьянцы, якія дажываюць мінімум да 80 і больш, каву п'юць і ўсе жыцце. І цяжарным можна кубак кавы.

Цяпер чытаюць

На канцэрт Кадышавай у Мінску ў какошніках прыйшлі нават мужчыны74

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны74

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць