Андрэй Расінскі. Кадры

«Матч Пойнт», «Скарбы рэспублікі», «Лёс чалавека»

Два клясычныя фільмы й адна тэлеперадача

ТВ, 14 красавіка, субота

СТВ, 13.50 1-ая сэрыя; 2-ая сэрыя 15 красавіка

Скарбы рэспублікі (Достояние республики)

Расея – Беларусь (СССР), 1971, каляровы, 138 хв

Рэжысэр: Уладзімер Бычкоў

Ролі выконваюць: Алег Табакоў, Андрэй Міронаў, Спартак Мішулін, Юры Талубееў, Віця Галкін, Яўген Еўстыгнееў, Вольга Жызьнева, Людміла Крылова

Жанр: Прыгоды

Пошук скрадзеных скарбаў аб’ядноўвае сьледчага, авантурніка, былога царскага крыміналіста й беспрытульніка.

Клясычная прыгодніцкая стужка з культавай песьняй Андрэя Міронава. Фільм пастаўлены слынным беларускім кінаказачнікам Уладзімерам Бычковым (“Горад майстроў”).

Лад, 18.50

Лёс чалавека (Судьба человека)

Беларусь, 2007, каляровы, 26 хв.

Рэжысэрка: Галіна Адамовіч

Жанр: Тэлевізійная перадача

У аўтарскай праграме Ўладзімера Бокуна рэжысэрка Галіна Адамовіч распавядае пра незвычайны лёс беларускага альпініста Эдуарда Ліпеня, дзіцячага лекара.

НТВ, 22.20

Матч Пойнт (Match Point)

Вялікабрытанія–ЗША, 2005, каляровы, 124 хв.

Рэжысэр: Вудзі Алэн

Ролі выконваюць: Скарлет Ёхансан, Джонатан Рыс Мэерз, Эмілі Морцімер, Аляксандар Армстранг

Жанр: Драма

Адзнака: 9,5 (з 10)

Нечаканы фільм нью-ёрскага інтэлектуала Вудзі Алэна распавядае пра выпадак, наканаваньне й канфармізм. Небагатага інструктара па тэнісе прывячаюць у заможнай сям’і. У героя (Джонатан Рыс Мэерз) ёсьць шанец зрабіць імклівую кар’еру, ажаніўшыся з арыстакраткай Хлояй. Але ягоныя пачуцьці належаць пекнай амэрыканцы (Скарлет Ёхансан).

Каліграфічны шэдэўр Вудзі Алэна абсалютна клясычны – як раманы ХІХ ст., нетаропкія, глыбінна-псыхалягічныя, загрувашчаныя сацыяльнаю крытыкай. Неверагодная чысьціня кадру, абэртоны пачуцьцяў, дакладнасьць і далікатнасьць. Назваць гульню Скарлет Ёхансан геніяльнай – значыць выказацца надзвычай сьціпла. Сэксапільная, знэрваваная, з суіцыдальным комплексам Мэрылін Манро – у багатых ангельскіх інтэр’ерах, дзе яна застанецца чужаніцаю.

У канфлікце Старога й Новага Сьвету пераможа Эўропа, але аўтар стужкі – амэрыканец, і эўрапейскі шэдэўр працінаюць контравэрсійныя спасылкі, якія сьведчаць пра «культурную» старасьць. Героі Вудзі Алена – гэта Раскольнікавы эпохі постмадэрну, калі канфармізм абвянчаны з кляўстрафобіяй, абгортка замяняе душу, а пакуты сумленьня выглядаюць ілюзіяй.

«Матч-пойнт» – гэта шэдэўр, але ў часы Макдоналдсаў – гэта шэдэўр толькі на адзін прагляд.

Усе фільмы

Каментары

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

больш чытаных навін
больш лайканых навін

Крымскі мост зруйнаваны ўдарам ракет «Фламінга»30

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць