Андрэй Расінскі. Кадры

Клясыка Галівуда на вялікім экране

Кананічныя стужкі “Ўсё пра Еву” і “Гукі музыкі”.

У кінатэатры “Перамога” дэманструюцца кананічныя галівудзкія стужкі “Усё пра Еву” (2 траўня, серада) і “Гукі музыкі” (3 траўня, чацьвер). Сэансы а 18.30.

Усё пра Еву (All About Eve)

ЗША, 1950, чорна-белы, 138 хв.

Рэжысэр: Джозэф Леа Манкевіч

Ролі выконваюць: Бэт Дэвіс, Эн Бакстэр, Джордж Сандэрз, Сэлеста Голм, Гэры Мэрыл, Барбара Бэйтс, Мэрылін Манро

Жанр: Драма

Прызы і намінацыі: “Оскары”, “Залаты глёбус”, Канскі фэст.

Састарэлая зорка Брадвэю Марго Чэнінг (Бэт Дэвіс) мае ўсё: славу, сяброў, палюбоўніка. Падабраная на вуліцы тэатралка Ева (Эн Бакстэр) дапамагае Марго ў штодзённых клопатах. Але, насамрэч, Евай (імя скрадзена!) рухае амбітнае жаданьне самой заняць месца Марго Чэнінг. Цынічны крытык Эдысан Дэ Віт (Джордж Сандэрз) вырашае паспрыяць кар’ерыстцы. Ева становіцца таленавітай вучаніцай – і ідзе да вяршыняў славы праз падманы й здраду.

Гэтая карціна здымалася ў часы, калі ў Галівудзе шчэ панавалі актрысы, якія былі болей, чым зоркамі. Бэт Дэвіс – найпершая зь іх. Ейная Марго Чэнінг капрызьлівая, сьцярвозная, уладалюбная – і вялікая. Шыкоўная роля, за якую Дэвіс была вельмі ўдзячная Манкевічу. Надалей такіх зорак ужо не было.

І нат Мэрылін Манро на ўзьлёце сваёй кар’еры (у стужцы прамільгнула ў эпізодзе) – толькі намякае на каралеўскі статус.

Гукі музыкі (Sound of Music)

ЗША, 1965, каляровы, 174 хв.

Рэжысэр: Робэрт Ўайз

Ролі выконваюць: Джулі Эндрус, Крыстафэр Пламэр, Элеанор Паркер, Рычард Гэйдн, Пэгі Вуд

Жанр: Сямейны м’юзыкал

Прызы і намінацыі: “Оскары”, “Залаты глёбус”

Аўстрыя. Канец 30-ых гадоў. Аўдавелы барон (Крыстафэр Пламэр) шукае ў кляштары гувэрнантку для сваіх дзетак. Былая выхавальніца кляштару Марыя (Джулі Эндрус) вучыць дзяцей бачыць прыгажосьць, сьпяваць песьні й ставіць хатнія спэктаклі. У дом прыходзіць сьвятло й супакой. Дый сам барон трапляе пад чары гераіні.

Тым часам Нямеччына анэксуе Аўстрыю…

Карціна Робэрта Ўайза, трапна разьлічаная на ўсіх і на кожнага , узначальвае сьпіс найлепшых м’юзыклаў.

Усе фільмы

Каментары

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера3

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

больш чытаных навін
больш лайканых навін

Крымскі мост зруйнаваны ўдарам ракет «Фламінга»32

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць