Андрэй Расінскі. Кадры

«Беларускі фронт, альбо размовы пра мову»

28 траўня дакумэнталіст Віктар Корзун прадставіў навучэнцам Беларускага калегіюму сваю новую стужку. Карціна руйнуе плаксівыя “моўныя” стэрэатыпы і сьведчыць пра трываласьць беларускае нацыі.

28 траўня дакумэнталіст Віктар Корзун прадставіў навучэнцам Беларускага калегіюму сваю новую стужку. Фільм неаднаразова выклікаў воплескі. Карціна руйнуе плаксівыя “моўныя” стэрэатыпы і сьведчыць пра трываласьць беларускае нацыі.

Беларускі фронт, альбо размовы пра мову

Беларусь, 2007, каляровы і ч/б, 51 хв.

Рэжысэр: Віктар Корзун

Жанр: Дакумэнтальны фільм

Адзнака: 6,5 (з 10)

Героі карціны «Беларускі фронт» – філёзаф Валянцін Акудовіч, мовазнавец Вінцук Вячорка, мастак Фэлікс Янушкевіч, псыхоляг Юля Латушкіна і вучаніца Маша Каралькова – разважаюць пра лёс беларускае мовы.

Зазвычай размовы на экране выглядаюць нудна, але 50-хвілінны фільм Корзуна глядзіцца на адным подыху. Рэжысэр з кожнай стужкай набірае досьведу, дый героі зусім не падаюцца стандартнымі «гаваркімі галовамі». Фільм трапна падзелены на разьдзелы, у перабіўках гучыць песьня «Мая краіна» – у выкананьні Касі Камоцкай (таксама прад’юсэрка фільму) – а Корзун акуратна расстаўляе гукавыя й сэнсавыя акцэнты.

Карціна цалкам пазбаўлена плаксівага ляманту, абавязковага – калі гутарка заходзіць пра мову. Многім героям стужкі, каб мову абараніць, прыйшлося прайсьці выпрабаваньні. Маша Каралькова – вучылася дома, бо ў школе не знайшлося беларускамоўнага клясу, Аляксей Лапіцкі дамагаўся беларускага клясу для свайго сына Янкі, а дзіцёнку Юлі Латушкінай лёгапэды ставілі «псыхіятрычны» дыягназ, бо хлопчык размаўляе па-беларуску. Але ў фільме няма патаснага плачу, да якога ўсе прызвычаіліся.

Кожнаму ёсьць, што сказаць – і гэта цікава. Беларуская мова, як сынонім свабоды, мова – як адкіданьне дыктатуры, аптымізм насуперак катастрофам і кемлівыя заўвагі пра беларускамоўнага сантэхніка.

Кожны – ня проста абвяшчае пра сваю любоў да «фронту беларускае мовы», але натуральна гэтым дыхае й жыве. І атрымліваецца неверагодная й вельмі моцная рэч. Карціна пра беларускую мову, якую пляжаць, душаць і абсьмейваюць рэжымныя інтэнданты – становіцца сьведчаньнем трываласьці беларускае нацыі.

І гэта нармальная, сучасная дакумэнтальная стужка – годная, інтрыгоўная і цікавая.

Знайсьці новы фільм Віктара Корзуна можна ў месцах традыцыйнага распаўсюду беларускіх кнігаў і відэа.

Усе фільмы

Каментары

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

больш чытаных навін
больш лайканых навін

Крымскі мост зруйнаваны ўдарам ракет «Фламінга»30

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць