Здароўе

Новая Зеландыя забароніць моладзі купляць цыгарэты — на ўсё жыццё

Новая Зеландыя забароніць продаж тытуню новым пакаленням, каб цалкам адмовіцца ад курэння. Кожны, хто нарадзіўся пасля 2008 года, не зможа купіць цыгарэты ці іншыя тытунёвыя вырабы на працягу ўсяго жыцця. Такі закон павінны прыняць у наступным годзе, паведамляе Бі-бі-сі.

Getty Images

«Мы хочам быць упэўненыя, што маладыя людзі ніколі не пачнуць курыць», — сказала намесніца міністра аховы здароўя Айша Верал.

Гэты крок з'яўляецца часткай маштабнай барацьбы з курэннем, абвешчанай Міністэрствам аховы здароўя Новай Зеландыі.

Дактары і іншыя эксперты ў галіне аховы здароўя ў краіне вітаюць рэформы, якія паменшаць доступ да тытуню і абмяжуюць узровень нікаціну ў цыгарэтах.

«Гэта дапаможа людзям кінуць курыць або перайсці на менш шкодныя прадукты, а таксама паменшыць верагоднасць таго, што маладыя людзі стануць залежныя ад нікаціну», — сказала прафесар Джанет Гук з Універсітэта Атага.

Новая Зеландыя поўная рашучасці дасягнуць нацыянальнай мэты па зніжэнні ўзроўню курэння да 5% да 2025 года, з канчатковай мэтай — цалкам выкараніць гэтую шкодную звычку.

Цяпер прыкладна 13% дарослых у краіне курыць, а дзесяць гадоў таму такіх было 18%.

Але гэты ўзровень нашмат вышэйшы, каля 31%, сярод карэннага насельніцтва маоры, што таксама пакутуе на больш высокі ўзровень захворванняў і смяротнасці.

Міністэрства аховы здароўя Новай Зеландыі сцвярджае, што курэнне выклікае кожны чацвёрты выпадак раку і застаецца асноўнай прычынай смерці, якую можна прадухіліць, для пяці мільёнаў насельніцтва.

Тытунёвая індустрыя з'яўляецца мішэнню для заканадаўцаў ужо больш за дзесяць гадоў.

У рамках жорсткіх мер, абвешчаных у чацвер, урад таксама ўвёў сур'ёзныя меры кантролю над тытунём, уключаючы істотныя абмежаванні таго, дзе можна прадаваць цыгарэты, каб выключыць іх з асартыменту супермаркетаў і кіёскаў.

Чыноўнікі кажуць, што колькасць крам, якія маюць права прадаваць цыгарэты, рэзка скароціцца з цяперашніх 8 тысяч да 500.

У апошнія гады вэйпінг, то-бок курэнне электронных цыгарэт, якія выдзяляюць пару, што таксама змяшчае нікацін, стаў значна папулярнейшы сярод малодшага пакалення, чым звычайныя цыгарэты.

Аднак чыноўнікі папярэджваюць, што вэйпінг таксама небяспечны. У вадкасцях для электронных цыгарэт навукоўцы выявілі небяспечныя рэчывы, якія выклікаюць рак.

Аднак у 2017 годзе краіна прыняла вэйпінг як сродак, які дапаможа людзям кінуць курыць.

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка6

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

Беларусы масава шукаюць у Google «ваеннаабавязаны». У чым прычына?

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка6

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць