Меркаванні

«Было пэўнае спадзяванне». Валерый Кавалеўскі распавёў, як да Пуціна ставіліся ў 90-я беларускія і амерыканскія дыпламаты

Пра стаўленне беларускіх дыпламатаў да прэзідэнта Расіі Уладзіміра Пуціна ў канцы 1990-х, калі яго толькі абралі, у вялікай гутарцы «Ток» расказаў сябра Аб'яднанага пераходнага кабінета Валерый Кавалеўскі, які ў той час працаваў у Міністэрстве замежных спраў Беларусі.

Уладзімір Пуцін у атачэнні вайскоўцаў. Фота: Мінабароны РФ

На момант абрання Пуціна на пост прэзідэнта Расіі Валерый Кавалеўскі быў у Вашынгтоне. Новую фігуру на чале Расіі тады многія сустрэлі дастаткова станоўча. 

«Адносіны да Пуціна былі досыць станоўчымі. Новы твар, які паводзіў сябе вельмі ліберальна. На пачатку 2000-х у яго былі неблагія задаткі.

Я ў той час знаходзіўся ў беларускай амбасадзе ў Вашынгтоне. Тады прымаўся Акт аб дэмакратыі ў Беларусі. Там у тэксце, які, здаецца, не прайшоў, быў заклік да кіраўніцтва Расійскай Федэрацыі паўплываць на Аляксандра Лукашэнку, каб у Беларусі адбывалася дэмакратызацыя.

У той час Расія ўспрымалася як лідар дэмакратычнага працэсу ў рэгіёне. Першы час на гэта паглядалі з цікаўнасцю, а пасля гэта стала проста абсурдна, і такая тэма проста з часам адвалілася».

Валерый Кавалеўскі ў студыі канала "Ток"
Валерый Кавалеўскі ў студыі канала «Ток». Скрыншот відэа «Ток»

Валерый Кавалеўскі не хавае, што ў яго таксама былі пэўныя спадзяванні адносна асобы Уладзіміра Пуціна. Але яны хутка скончыліся.

«Было пэўнае спадзяванне і ў мяне таксама, што вось гэтая новая маладая кроў, незаангажаваная ў камуністычныя нейкія справы. Проста новы малады лідар, які можа штосьці зрабіць для нашага рэгіёна. Але гэта скончылася прыкладна ў 2002 годзе, калі стала зразумела, што ў Пуціна зусім іншая праграма».

На думку былога дыпламата, на змену палітычнай праграмы Пуціна паўплывала іракская вайна.

«Думаю, што іракская вайна стала для яго такім «акном магчымасцяў», якое скінула з яго пэўныя кайданкі, і ён зразумеў, што знаходзіцца ў агрэсіўным міжнародным асяроддзі, дзе ёсць вельмі шмат магчымасцяў. Таму ўварванне Злучаных Штатаў у Ірак стварыла новыя ўмовы для такіх людзей, як Пуцін.

Да гэтага ён глядзеў на сябе як на прэзідэнта сціплай краіны, якая нядаўна была супердзяржавай, і на гэтым фоне падумаў: «А чаму мне не падумаць пра штосьці такое амбітнае, што мяне будзе вылучаць на агульным фоне?»

Гэтаму, канешне, дапамог вельмі хуткі рост цэн на нафту. Гэта дало Пуціну значныя рэсурсы, каб рэалізоўваць свае амбіцыі».

Глядзіце цалкам:

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю82

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка7

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць