Свет

ЗША ўпершыню за 50 гадоў адправілі апарат на Месяц. Прычым зрабіла гэта прыватная кампанія

Месяцовую экспедыцыю арганізавалі канкурэнты Ілана Маска і яго SpaceX у справе прыватнага асваення космасу.

У панядзелак ЗША ўпершыню больш як за паўстагоддзя адправілі апарат на Месяц. Толькі цяпер гэта зрабіла не дзяржаўнае агенцтва НАСА, а прыватныя кампаніі, піша Бі-бі-сі.

Месяцовую экспедыцыю арганізавалі канкурэнты Ілана Маска і яго SpaceX у справе прыватнага асваення космасу. Цяжкая ракета Vulcan Centaur кампаніі United Launch Alliance павезла на месяц зонд Peregrine 1, зроблены кампаніяй Astrobotic Technology.

Ракета стартавала з мыса Канаверал у ЗША ў 07:18 па Грынвічы (02:18 па Усходнім стандартным часе) і, як чакаецца, прызямліцца на Месяц 23 лютага.

У маі, калі ўсё пойдзе па плане, на Месяц паляціць кітайскі месяцаход «Чан-6».

Улетку споўніцца 55 гадоў з моманту, калі чалавек упершыню апынуўся на Месяцы.

У лістападзе свой зонд-месяцаход VIPER плануе адправіць на Месяц і НАСА.

Нарэшце, дзесьці пасля лістапада НАСА збіраецца паслаць да спадарожніка Зямлі першы за 52 гады пілатаваны карабель.

Гэтую экспедыцыю назвалі «Артэміда-2» (Artemis II). Чатыры астранаўты на караблі Orion павінны будуць абляцець Месяц — але высаджваецца туды пакуль не плануецца.

Вянком жа праграмы «Артэміда» павінна стаць — ужо ў гэтым дзесяцігоддзі — стварэнне на Месяцы пастаяннай заселенай станцыі.

Кітай таксама разлічвае адправіць сваіх тайканаўтаў на Месяц да канца гэтага дзесяцігоддзя.

Каментары

Цяпер чытаюць

Крымскі мост зруйнаваны ўдарам ракет «Фламінга»11

Крымскі мост зруйнаваны ўдарам ракет «Фламінга»

Усе навіны →
Усе навіны

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім7

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

больш чытаных навін
больш лайканых навін

Крымскі мост зруйнаваны ўдарам ракет «Фламінга»11

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць