Грамадства161161

«Сур'ёзна схуднеў, важыць, напэўна, кілаграм 80». Былы палітвязень пра Віктара Бабарыку

Былы палітвязень наваполацкай калоніі расказаў «Люстэрку», што чуў пра вядомых зняволеных.

Віктар Бабарыка ў 2020-м. Фота: «Наша Ніва»

З вядомых палітвязняў у ПК-1 знаходзяцца экс-прэтэндэнт у кандыдаты ў прэзідэнты Віктар Бабарыка, журналіст Ігар Лосік, медыяменеджар Андрэй Аляксандраў, журналіст і сябра «Саюза палякаў Беларусі» Андрэй Пачобут. У лютым 2024 туды перавялі ўдзельніка гурта Tor Band Дзмітрыя Галавача. Апошняга Аляксей (ён быў у калоніі з вясны 2023-га і да канца таго года) ужо не застаў, але амаль з усімі астатнімі так ці інакш перасякаўся.

«Дзмітрыча (Віктара Бабарыкі. — заўв. рэд.) я бачыў здалёку пару разоў, калі быў на карантыне. Яго тады адпраўлялі ў санчастку, гэта рабілі звычайна позна ўвечары, пасля праверкі, — распавядае былы палітвязень. —

Ён сур'ёзна схуднеў. Я бачыў яго ў 2020-м, і розніца вельмі прыкметная, важыць, напэўна, кілаграм 80, а то і менш. Хлопцы кажуць, што ён пасівеў, вельмі моцна пастарэў, выглядае нядобра.

Калі Дзмітрыч год таму трапіў у бальніцу, хадзілі чуткі, што былі зламаныя рэбры і адно з іх прабіла лёгкае. Нібыта стукнуўся, калі ўпаў. Але мне ў гэта верыцца слаба. Так, калі ўпасці з другога паверха, можна, напэўна, зламаць рэбры, але гэта ж як трэба страціць канцэнтрацыю».

Ігар Лосік намінальна лічыўся ў атрадзе Аляксея. Але мужчына асабіста яго не бачыў, журналіст увесь час знаходзіцца ў ШІЗА або ПКТ. Кажа, што зняволеныя з яго атрада называюць Лосіка «моцным чалавекам».

«Ён малайчына, што трымаецца, таму што ШІЗА вымотвае, — распавядае суразмоўца. — Яшчэ я пасябраваў з Андрэем Аляксандравым.

А на прамзоне перасякаўся з Андрэем Пачобутам, ён стаічнаму да ўсяго ставіцца. Трымаўся, усё разумеў. Да яго і яшчэ аднаго грамадзяніна Польшчы, які там утрымліваецца, прыязджаў консул, але наўпрост казаў, што нічога зрабіць яны не могуць».

Каментары161

  • Агент гб "нафталiн"
    04.05.2024
    А плявузгатар пазьняк дагэтуль змагаецца з бабарыкай, замест таго каб змагацца з дыктатурай.
  • Газпром - кашалёк Крамля
    04.05.2024
    Агент гб "нафталiн", чым займаўся ваш Бабарыка, калі Пазьняк змагаўся з расейскай імперыяй, выступаў супраць інтэграцыі з РФ? Бабарыка ў гэты час служыў у філіяле расейскага Газпромбанку - кашальку Крамля і меў куратараў у КДБ (пра што сам шчыра расказваў у інтэрв'ю.)
  • Винтовка
    04.05.2024
    Агент гб "нафталiн", А кто змагается с диктатурой? Как надо?? Ну, если только ПКК в Украине. Все остальные изображают змаганне.

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка1

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе27

У Мінску датэрмінова закрылі анімалістычную выставу. Прычына можа быць у асобных мастаках1

GTA 6 за адзін дзень пабіла рэкорды ўсіх часоў10

БАТЭ апусціўся на перадапошняе месца ў чэмпіянаце і можа ў наступную суботу вылецець з вышэйшай лігі6

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

«На жаль, многія людзі нават не ведаюць слова «барэльеф». Як беларуска робіць творы мастацтва з гіпсу1

Палітолаг Аліна Харысава выходзіць замуж за Данілу Багдановіча з «Чорнай кнігі Беларусі»58

«Шантажавалі «будучым вашай жонкі і станам яе мамы». Муж асуджанай на 10 гадоў Вольгі Харламавай расказаў пра спробы вярбоўкі з боку КДБ8

BepiColombo даляцеў да Меркурыя — пасля васьмі гадоў падарожжа ў космасе ён выйдзе на арбіту гэтай загадкавай планеты5

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка1

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць