Грамадства1515

Амерыканец, які штурмаваў Капітолій і якога памілаваў Трамп, адкрыў у Брэсце рэстаран

Уладальнік закусачнай называе сябе Эванам Джэферсанам, хоць насамрэч яго клічуць Эван Ньюман, а яшчэ нядаўна ён быў у вышуку ФБР, піша BGmedia. 

У Брэсце адкрылася «першая амерыканская закусачная» пад назвай «Route 66». Валодае ёй амерыканец Эван Ньюман. Некаторыя жыхары горада знаёмыя з ім асабіста, бо ён выкладае англійскую мову ў школе My Baby. Мужчына ўдзельнічаў у штурме Капітолія ў студзені 2021 года, быў аб'яўлены ў вышук ФБР, уцёк з ЗША і атрымаў палітычны прытулак у Беларусі.

Установа называецца «Route 66» і знаходзіцца на праспекце Машэрава.

«Скажу па сакрэце, гатуе сам гаспадар-амерыканец у каўбойскім капелюшы. Таму будзе вельмі горача і смачна», — кажа ў аглядзе на «першую амерыканскую закусачную» праўладны фуд-блогер Уладзіслаў Альшэўскі.

У меню закусачнай — класічная амерыканская кухня: бургеры, сэндвічы, стэйкі, гарніры, супы, салаты і дэсерты. Па словах блогера, цэны «дэмакратычныя».

Альшэўскі запісаў кароткае інтэрв'ю з уладальнікам закусачнай Эванам Ньюманам. Той распавёў, што родам з Каліфорніі, а цяпер жыве ў Брэсце і выкладае англійскую мову ў My Baby.

Падобна, амерыканец змяніў працу, бо ў траўні 2023 года выданне «Новы Час» пісала, што Эван Ньюман працуе ў прыватнай школе замежных моў International Language House і па выходных выкладае англійскую падлеткам.

Дарэчы, на старонцы ўстановы «Route 66» у Instagram Эван Ньюман назваў сябе Эванам Джэферсанам. Крыніца «Новага Часу» казала, што ў Брэсце Эван Ньюман таксама прадстаўляецца пры знаёмстве як Стывен.

Эван Ньюман у сваёй установе. Фота са старонкі ў Instagram

Хто такі Эван Ньюман і чаму ўцёк з ЗША

Эван Ньюман трапіў у Беларусь праз Украіну ў верасні 2021 года. Да нядаўняга часу ў ЗША яго шукалі як актыўнага ўдзельніка штурму Капітолія, які ў студзені таго ж года зрабілі прыхільнікі Дональда Трампа.

Амерыканцу выставілі абвінавачанне ў 14 злачынствах, у тым ліку «напад, супраціў або перашкода афіцэрам». Паводле абвінавачання, Ньюман на працягу дня напаў на чатырох паліцыянтаў, ужыўшы кулакі, а таксама схапіў металічную агароджу і пратараніў ёю шэраг паліцыянтаў.

Эван Ньюман падчас штурму Капітолія. Скрыншот відэа

Эван Ньюман знаходзіўся ў вышуку ФБР да 22 студзеня 2025 года. На сайце ФБР пазначана, што ён біўся з паліцыяй Капітолія ЗША і супрацоўнікамі гарадскога ўпраўлення паліцыі Вашынгтона, «яго трэба лічыць узброеным і небяспечным».

22 сакавіка 2022 года стала вядома, што Эван Ньюман атрымаў палітычны прытулак у Беларусі. Дакумент са статусам бежанца яму ўручылі ва Упраўленні па грамадзянстве і міграцыі УУС Брэсцкага аблвыканкама.

У дзень інаўгурацыі новы прэзідэнт ЗША Дональд Трамп сваім указам памілаваў удзельнікаў штурму Капітолія. Цяпер Эван Ньюман мае магчымасць вярнуцца на радзіму да сваіх родных.

Каментары15

  • :)))
    12.02.2025
    прасоўвае сваю амерыку тутака. Бо-бо, фас!
  • идеолог СШ52
    12.02.2025
    поясните кто это такой, по вашей терминологии. Беглый змагар?
  • Жвір
    12.02.2025
    Чагоо? Каб амерыканец ды з'ехаў з Брэста? Ды нізавошта, няма дурных!

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

«На жаль, многія людзі нават не ведаюць слова «барэльеф». Як беларуска робіць творы мастацтва з гіпсу1

Палітолаг Аліна Харысава выходзіць замуж за Данілу Багдановіча з «Чорнай кнігі Беларусі»58

«Шантажавалі «будучым вашай жонкі і станам яе мамы». Муж асуджанай на 10 гадоў Вольгі Харламавай расказаў пра спробы вярбоўкі з боку КДБ8

BepiColombo даляцеў да Меркурыя — пасля васьмі гадоў падарожжа ў космасе ён выйдзе на арбіту гэтай загадкавай планеты5

У Гомельскім маладзёжным тэатры Караткевіча паказваюць па-руску15

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

Кот стаў зоркай спектакля ў Маскве2

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць