Свет33

Віцэ-прэзідэнт ЗША адказаў на з'едлівую крытыку свайго стрыечнага брата, які ваяваў за Украіну

Вэнса спыталі пра крытыку брата, які назваў яго і Трампа «карыснымі ідыётамі Уладзіміра Пуціна». Нэйт Вэнс два з паловай гады ваяваў ва ўкраінскай арміі.

Віцэ-прэзідэнт ЗША Джэй Дзі ВэнсФота: Brandon Bell / Getty Images

Віцэ-прэзідэнт ЗША Джэй Дзі Вэнс адказаў у панядзелак на крытыку свайго стрыечнага брата Нэйта наконт яго стратэгіі ў расійска-ўкраінскай вайне.

Нэйт Вэнс, які ваяваў ва Украіне супраць Расіі, распавёў СМІ свае думкі наконт перамоваў паміж прэзідэнтам Дональдам Трампам, віцэ-прэзідэнтам Джэй Дзі Вэнсам і прэзідэнтам Украіны Уладзімірам Зяленскім.

Нэйт Вэнс. Скрыншот відэа: The Real Jim Morris Show

«Дональд Трамп і мой стрыечны брат, відавочна, думаюць, што змогуць абыграць Уладзіміра Пуціна. Яны памыляюцца. Рускія не збіраюцца забываць пра нашу падтрымку Украіны. Мы карысныя ідыёты Уладзіміра Пуціна», — выказаўся ён.

Нэйт Вэнс дадаў, што пакінуў паведамленні ў офісе свайго стрыечнага брата на гэтую тэму. «Я мог сказаць яму праўду, без прытворства, без асабістых інтарэсаў. Ён не спрабаваў даведацца больш», — дадаў Нэйт Вэнс.

У заяве для Fox News Digital віцэ-прэзідэнт Вэнс сказаў, што ніколі не казаў публічна пра службу свайго стрыечнага брата, таму што «не хацеў падвяргаць сваё жыццё яшчэ большай небяспецы, чым яно было».

«Што тычыцца яго крытыкі, я не зацікаўлены ў спрэчках з ім публічна, але я лічу неабходным закрануць адну праблему ў прыватнасці: яго няўдалую спробу звязацца са мной. Я не разумею, чаму Нэйт адчуў неабходнасць звярнуцца ў мой офіс у Сенаце, а не да сваёй мамы, бацькі або сястры, з усімі з якімі я рэгулярна кантактую», — сказаў Вэнс.

Джэй Дзі Вэнс з жонкай (у цэнтры), Нэйт Вэнс — справа. Фота: архіў Нэйта Вэнса / Le Figaro

Віцэ-прэзідэнт дадаў, што «заўсёды лічыў Нэйта самым цвёрдым чалавекам, якога [ён] ведаў», і што ён «заўсёды быў рады з ім пагаварыць».

47-гадовы Нэйт Вэнс — стрыечны брат віцэ-прэзідэнта ЗША Джэй Дзі Вэнса і былы амерыканскі марскі пехацінец. Ён быў добраахвотнікам у складзе вядомага падраздзялення ўкраінскай арміі пад назвай «Ваўкі Да Вінчы».

У Нэйта і Джэй Дзі Вэнса супольныя бабуля з дзядулем, маці Джэй Дзі — сястра бацькі Нэйта.

З 18 да 22 гадоў Нэйт служыў у амерыканскай марской пяхоце, пасля ў Тэхасе рабіў кар'еру ў нафтавай кампаніі.

Калі пачалася поўнамаштабная вайна Расіі ва Украіне, ён рашыў паехаць на фронт. У чэрвені 2022 года мужчына ўжо быў на Данбасе. Ён удзельнічаў у баях за Купянск, Бахмут, Аўдзееўку і Пакроўск.

Нэйт звольніўся з украінскай арміі ў студзені 2025 года, за некалькі дзён да таго, як яго стрыечны брат быў прыведзены да прысягі як віцэ-прэзідэнт ЗША.

Каментары3

  • Копротерапия
    12.03.2025
    [Рэд. выдалена]
  • бабруйчанін
    12.03.2025
    Зварот да Людзкасці прыстойнасці дзейнічае ..
    Дзі Вэнс ні страчаны канчаткова ..
  • .
    12.03.2025
    Гэта не "адказаў", гэта тупа "зліўся".

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

БАТЭ апусціўся на перадапошняе месца ў чэмпіянаце і можа ў наступную суботу вылецець з вышэйшай лігі6

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

«На жаль, многія людзі нават не ведаюць слова «барэльеф». Як беларуска робіць творы мастацтва з гіпсу1

Палітолаг Аліна Харысава выходзіць замуж за Данілу Багдановіча з «Чорнай кнігі Беларусі»58

«Шантажавалі «будучым вашай жонкі і станам яе мамы». Муж асуджанай на 10 гадоў Вольгі Харламавай расказаў пра спробы вярбоўкі з боку КДБ8

BepiColombo даляцеў да Меркурыя — пасля васьмі гадоў падарожжа ў космасе ён выйдзе на арбіту гэтай загадкавай планеты5

У Гомельскім маладзёжным тэатры Караткевіча паказваюць па-руску15

Высветлілася галоўная прычына звальнення Джэнсэна Хуанга з Nvidia4

Скіндзераў насамрэч у вышуку ў Беларусі. Але толькі за дачу хабару4

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць