Свет11

Мексіка падае ў суд на Google праз перайменаванне Мексіканскага заліва

Урад Мексікі афіцыйна падаў пазоў супраць Google праз змяненне назвы Мексіканскага заліву на «Заліў Амерыкі» для карыстальнікаў у ЗША. Прэзідэнт Клаўдыя Шэйнбаўм адзначыла, што кампанія праігнаравала неаднаразовыя звароты з патрабаваннем вярнуць гістарычную назву, піша The Verge.

Maps.google.com

Змяненне з’явілася ў сэрвісе Google Maps пасля таго, як на пачатку свайго прэзідэнцкага тэрміну Дональд Трамп падпісаў указ пра перайменаванне заліва. Хоць для мексіканскіх карыстальнікаў назва засталася нязменнай, у ЗША і некаторых іншых рэгіёнах сэрвіс пачаў паказваць надпіс «Gulf of America» або «Gulf of Mexico (Gulf of America)».

Мексіканская ўлада заяўляе, што ЗША не маюць права пераймяноўваць міжнародныя геаграфічныя аб’екты.

«Мы не можам змяняць назвы частак іншых краін, і яны не могуць змяняць нашы. Частка заліва, што належыць Мексіцы, не можа мець іншую назву», — падкрэсліла Шэйнбаўм.

Да падачы пазову Мексіка дасылала афіцыйныя лісты да Google з просьбай не выкарыстоўваць новую назву. У адказ віцэ-прэзідэнт кампаніі ў дзяржаўных справах Крыс Тэрнэр паведаміў, што Google не плануе змяняць сваю палітыку.

9 мая 2025 года Палата прадстаўнікоў ЗША ўхваліла законапраект, які фармалізуе назву «Заліву Амерыкі». Адміністрацыя Трампа раней нават забараніла агенцтву Associated Press удзельнічаць у брыфінгах у Белым доме за адмову выкарыстоўваць новую назву.

У адрозненне ад Google і Apple, якія падтрымалі ініцыятыву, сэрвіс MapQuest адкрыта высмеяў перайменаванне, стварыўшы спецыяльны сайт, прысвечаны абсурднасці гэтай змены.

Мексіка настойвае, што сапраўдная назва — Мексіканскі заліў — павінна быць захаваная на міжнародным узроўні.

Каментары1

  • Правiльна
    12.05.2025
    [Рэд. выдалена]

Цяпер чытаюць

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка3

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Усе навіны →
Усе навіны

Як выглядае элітны клубны квартал нулявых у Мінску2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе27

У Мінску датэрмінова закрылі анімалістычную выставу. Прычына можа быць у асобных мастаках1

GTA 6 за адзін дзень пабіла рэкорды ўсіх часоў10

БАТЭ апусціўся на перадапошняе месца ў чэмпіянаце і можа ў наступную суботу вылецець з вышэйшай лігі6

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

«На жаль, многія людзі нават не ведаюць слова «барэльеф». Як беларуска робіць творы мастацтва з гіпсу1

Палітолаг Аліна Харысава выходзіць замуж за Данілу Багдановіча з «Чорнай кнігі Беларусі»58

«Шантажавалі «будучым вашай жонкі і станам яе мамы». Муж асуджанай на 10 гадоў Вольгі Харламавай расказаў пра спробы вярбоўкі з боку КДБ8

больш чытаных навін
больш лайканых навін

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка3

Чаму беларусы мала купляюць кнігі па-беларуску? Андрэй Янушкевіч — пра тысячы кніг на складзе, правал Кінга і перспектывы біяграфіі Пазняка

Галоўнае
Усе навіны →

Заўвага:

 

 

 

 

Закрыць Паведаміць