Свет77

Японцы са слязьмі на вачах развітваюцца з пандамі — жывёлін забірае Кітай праз пагаршэнне адносін паміж краінамі

Тысячы людзей прыйшлі ў гэтую нядзелю ў заапарк Уэна ў Токіа, каб развітацца з двума вялікімі пандамі, якіх у аўторак адпраўляюць назад у Кітай, піша Бі-бі-сі.

Tomohiro Ohsumi/Getty Images

Каб убачыць двайнят Сяа Сяа і Лэй Лэй, людзі стаялі ў чарзе да трох з паловай гадзін. Гэтыя панды нарадзіліся ў Японіі, у такійскім заапарку ў 2021 годзе, але лічацца ўласнасцю Кітая — КНР захоўвае права ўласнасці не толькі на падарункавых панд, але і на іхнае патомства.

З 1949 года — з моманту абвяшчэння Кітайскай Народнай Рэспублікі — Кітай перадае іншым краінам панд як знак добраахвотнасці (але можа таксама патрабаваць вяртання сваёй уласнасці). Узамен краіны-прымальнікі плацяць гадавую выплату каля 1 млн даляраў за пару панд.

Нягледзячы на тое, што ўрад сталіцы Японіі прасіў кітайскія ўлады прысылаць замену гэтым пандаў, у Пекіне заявілі, што такіх планаў няма.

Панды будуць перапраўлены самалётам у Кітай, дзе спачатку пасядзяць на каранціне, а потым зноў злучацца са сваёй сястрой Сян Сян у цэнтры па вывучэнні і захаванні папуляцыі гэтых жывёл у правінцыі Сычуань. 

Першых панд падарылі Японіі ў 1972 годзе, калі дзве краіны нармалізавалі адносіны. Цяпер Японія ўпершыню за апошнія 50 з паловай гадоў застанецца без панд. У дачыненнях паміж краінамі — напружаны перыяд, асабліва пасля таго, як прэм’ер-міністарка Японіі Санаэ Такаіці заявіла, што японскім узброеным сілам прыйдзецца ўмяшацца, калі Кітай нападзе на Тайвань.

Пекін разглядае самакіраваны востраў як частку сваёй тэрыторыі і не выключае прымянення сілы для «аднаўлення адзінства» з ім. На пачатку гэтага месяца Кітай узмацніў абмежаванні на экспарт у Японію прадукцыі, звязанай з рэдказямельнымі металамі, і прыпыніў імпарт марскіх прадуктаў.

Пекін выдаў для сваіх грамадзян папярэджанне аб нежаданні паездак у Японію. Са слоў японскага міністра турызму Ясусі Канэко, колькасць кітайскіх турыстаў у Японіі ў мінулым месяцы скарацілася амаль удвая ў параўнанні з аналагічным перыядам мінулага года — прыкладна да 330 тыс. чалавек.

Каментары7

  • Бартосік
    26.01.2026
    пакіньце гэтых пандаў сабе. Думаеце пандзе, якая нарадзілася і усё жыццё пражыла у Японіі, захочацца вяртацца на гістарычную радзіму? - не. Таму трэба дзейнічаць у інтарэсах жывёлы, а не кампартыі Кітая.
  • Žvir
    26.01.2026
    Dyk tre było paspryjać, kab tyja pandy abzavialisia patomstvam, i pakinuć jaho sabie, jak užo japonskaje, a viarnuć tolki arandavanuju kolkaść. Kali ž kitajcy pačnuć vypiendryvacca, dyk zajavić, što pandy ŭciakli ŭ bambukavy nieprałazny les, i ku-ku, cipa adviancie ...
  • .
    26.01.2026
    Ёсць нават тэрмін "кітайская пандавая дыпламатыя".
    Ну нічога, калісьці панды таксама будуць вольныя

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Сталі вядомыя падрабязнасці разбойнага нападу з пісталетам у Мінску1

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

больш чытаных навін
больш лайканых навін

Крымскі мост зруйнаваны ўдарам украінскіх ракет34

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць