Грамадства55

Клецк застаўся без вады. Не вытрымалі 50‑гадовыя трубы 

Жыхары Клецка сутыкнуліся з сур’ёзнымі праблемамі з водазабеспячэннем праз шэраг аварый на вадаправодных сетках. Уначы горад увогуле застаўся без вады, піша «Мінская праўда».

Фота: kleck.by

Як патлумачыў намеснік старшыні Клецкага райвыканкама Ігар Давыдок, першыя праблемы ўзніклі яшчэ ў нядзелю. Тады адбыўся прарыў трубаправода ў аграгарадку Янавічы, які ўваходзіць у адзіную з Клецкам сістэму водазабеспячэння. Гэта адразу павялічыла нагрузку на гарадскія сеткі. У панядзелак сітуацыя ўскладнілася яшчэ больш — аварыйны разрыў здарыўся на вуліцы Савецкай у Клецку.

Дзве аварыі прывялі да рэзкага падзення ўзроўню вады ў назапашвальных рэзервуарах Клецкага ўчастка «Салігорскводаканала». Вада са свідравін ва ўрочышчы Старына не паспявала папаўняць запасы, і рэзервуары фактычна апусцелі. Днём, калі большасць людзей была на працы і спажыванне вады зменшылася, узровень удалося часткова аднавіць.

Аднак увечары сітуацыя зноў стала крытычнай: спажыванне вады рэзка вырасла, а помпавае абсталяванне не змагло забяспечыць патрэбны аб’ём з-за ўтварэння паветраных коркаў у сістэме. Паводле слоў Ігара Давыдка, гораду не хапіла каля тысячы кубаметраў вады, каб задаволіць патрэбы насельніцтва.

Да раніцы водазабеспячэнне ўдалося аднавіць. Але ўжо ўвечары таго ж дня адбыўся чарговы прарыў — цяпер на вуліцы Перамогі, і Клецк зноў застаўся без вады.

Аварыйныя службы аператыўна працуюць на месцы і абяцаюць як мага хутчэй ліквідаваць праблему.

Адной з галоўных прычын аварый сталі неспрыяльныя ўмовы надвор’я: рэзкія перапады тэмператур значна павялічваюць нагрузку на трубы і паскараюць іх разбурэнне. Акрамя таго, сваю ролю адыграў і натуральны знос металу — трубы на гэтым участку былі пракладзеныя яшчэ ў 1974 годзе, і за дзесяцігоддзі ўздзеянне глебы прывяло да іх істотнага аслаблення.

Раней падобная сітуацыя адбылася ў Мінску, але там 19 студзеня была пашкоджаная цеплавая магістраль, у выніку чаго знікла гарачая вада. Ліквідацыя гэтай аварыі зацягнулася на некалькі дзён, цалкам аднавілі цеплазабеспячэнне і падачу гарачай вады толькі да 22 студзеня.

Таксама ў гэтыя дні аварыі на цеплатрасах і цепласетках адзначаліся ў Гомелі, Барысаве, Смалявічах, Віцебску.

Каментары5

  • Дерижор
    29.01.2026
    А гдзе президент?почаму не скажет как правильно варить трубы?
  • З1 год лукашызму ды луканомікі
    30.01.2026
    Такія парывы па усёй Беларусі...у розных куртках ат пасёлкау́ гарадскога тыпу да гарадоу́ і нават сталіцы. Луканоміка((
  • Ёсік
    30.01.2026
    За тое: няўжо мы на парад не знойдзем нейкія там 5 мільёнаў, - казаў неяк дырэктар саўгаса. І гэта парад, НАДО, з'езд жанчын, мужчын, нейкія незразумелыя вучэньні і г.д. Чаму зьдзіўляцца.

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка6

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю82

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка6

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць