Трамп загадаў блакаваць кожны карабель, які спрабуе ўвайсці ў Армузскі праліў або выйсці з яго.

Ваенна-марскія сілы ЗША будуць блакаваць усе судны, якія ўваходзяць ці выходзяць з Армузскага праліву. Пра гэта заявіў прэзідэнт ЗША Дональд Трамп.
«Сустрэча [у Ісламабадзе] прайшла добра, па большасці пунктаў была дасягнута згода, але адзіны пункт, які сапраўды меў значэнне — ЯДЗЕРНЫ — не быў узгоднены. Сапраўдным загадваю Ваенна-марскім сілам Злучаных Штатаў, найлепшым у свеце, пачаць працэс БЛАКАДЫ любых і кожнага карабля, які спрабуе ўвайсці ў Армузскі праліў або выйсці з яго. У пэўны момант мы пяройдзем да прынцыпу «УСІМ ДАЗВОЛЕНА ЎВАХОДЗІЦЬ, УСІМ ДАЗВОЛЕНА ВЫХОДЗІЦЬ», але Іран не дазволіў гэтаму здарыцца, проста заявіўшы: «Недзе там можа быць міна», пра якую ніхто не ведае, акрамя іх. ГЭТА СУСВЕТНЫ ШАНТАЖ, а лідары краін, асабліва Злучаных Штатаў Амерыкі, ніколі не дазволяць сябе шантажаваць.
Я таксама даручыў нашым ВМС шукаць і затрымліваць кожнае судна ў міжнародных водах, якое заплаціла пошліну Ірану. Ніхто з тых, хто плаціць незаконную пошліну, не будзе мець бяспечнага праходу ў адкрытым моры.
Мы таксама пачнем знішчаць міны, якія іранцы заклалі ў пралівах. Любы іранец, які адкрые агонь па нас ці па мірных суднах, будзе АДПРАЎЛЕНЫ ПРОСТА Ў ПЕКЛА!» — напісаў Трамп у сваёй сацсетцы Truth Social.
Ён дадаў, што блакада пачнецца ў бліжэйшы час.
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
-
Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары