Свет55

На Венецыянскім біенале вырашылі сёлета зноў адкрыць расійскі павільён. Еўрасаюз пагражае адклікаць фінансаванне

Еўрапейскі саюз сур’ёзна папярэдзіў арганізатараў Венецыянскага біенале пра магчымыя фінансавыя наступствы з-за рашэння дапусціць удзел Расіі ў выставе 2026 года. Гаворка ідзе пра грант у памеры 2 мільёны еўра, які ЕС плануе выдзяляць цягам трох гадоў. Калі пазіцыя біенале не зменіцца, фінансаванне могуць або прыпыніць, або цалкам скасаваць, піша Deutsche Welle.

Павільён Расіі на Венецыянскім біенале 2026 года. Фота: Marco Cappelletti

Прычына канфлікту ў тым, што Расія ўпершыню з 2022 года, калі пачалася поўнамаштабная вайна супраць Украіны, зноў атрымае магчымасць адкрыць падчас біенале свой нацыянальны павільён. У Бруселі лічаць такое рашэнне несумяшчальным з агульнай палітыкай ЕС, якая накіраваная на ізаляцыю Расіі ў адказ на яе дзеянні.

Еўракамісія спачатку звярнулася да ўрада Італіі, а пасля — непасрэдна да фонду, які арганізуе біенале. Арганізатарам далі 30 дзён, каб растлумачыць сваю пазіцыю і адказаць на прэтэнзіі. Цяпер у ЕС чакаюць гэты адказ і будуць вырашаць, ці прымаць далейшыя меры.

Прадстаўнікі Еўракамісіі падкрэсліваюць, што рашэнне біенале выклікала рэзкую крытыку, некаторыя чыноўнікі ЕС ужо заявілі, што не плануюць наведваць выставу. Таксама адзначаецца, што вяртанне Расіі разглядаецца як падрыў агульнай еўрапейскай пазіцыі.

У той жа час арганізатары біенале сцвярджаюць, што не маюць поўнага кантролю над нацыянальнымі павільёнамі, бо яны належаць самім дзяржавам. Кіраўніцтва біенале таксама падкрэслівае, што мерапрыемства традыцыйна адкрытае для ўсіх краін.

З расійскага боку ўдзел падаецца як нібыта культурны праект, які павінен паказаць, што мастацтва існуе па-за палітыкай. Паведамляецца, што ў праграме будуць задзейнічаныя дзясяткі прадстаўнікоў культуры з розных краін, а сам праект будзе арыентаваны на міжнародную аўдыторыю.

61‑е Венецыянскае біенале павінна прайсці з 9 мая па 22 лістапада 2026 года ў Джардзіні, Арсенале і іншых месцах Венецыі.

Каментары5

  • зрадамога
    23.04.2026
    Такая паказуха на фоне "дружбы". Санкцыі на капейкі, а мільярды не заўважаем
  • Мда
    24.04.2026
    ЕС бы лучше думал над финансовыми санкциями, а не занимался показухой с этим биеннале. Но им проще покупать нефть на десятки миллиардов, а потом третировать этих несчастных организаторов культурного форума
  • Ёсік
    24.04.2026
    Зноў муціць грамадзянін лнр італьянскага паходжаньня. 9 траўня пачатак, кажаце? Расейцы пройдуцца парадам і сьпевам песень аб стрэмцы, аб любові да пуціна, падзякай да ПК жаўнераў.

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

больш чытаных навін
больш лайканых навін

Крымскі мост зруйнаваны ўдарам ракет «Фламінга»28

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць