Вайна5050

Беларускага добраахвотніка Лахвіча пагалілі налыса і знялі прыніжальнае «пакаяльнае» відэа. Што вядома

Разборкі ў кадыраўскім стылі.

Аляксандр «Лахвіч» Наўковіч. Злева — паголены на «пакаяльным» відэа. Калаж: «Наша Ніва»

На старонках беларускага добраахвотніка Аляксандра «Лахвіча» Наўковіча ў сацсетках з’явілася дзіўнае відэа.

На ім Лахвіч — ужо без сваіх пазнавальных вусоў і барады — гаворыць у камеру «пакаяльны» маналог. Ён кажа, што вусы былі «адзнакай шляхты», а сам ён сваімі ўчынкамі нібыта паказаў, што гэтай шляхетнасці не варты. Далей ідзе серыя абразлівых фразаў пра самога сябе, а таксама пра іншага беларускага добраахвотніка — Аляксандра «Жэрара» Красоўскага, які цяпер знаходзіцца ў СІЗА ва Украіне.

Тон відэа настолькі прыніжальны, а фармулёўкі настолькі не падобныя да звычайнай публічнай камунікацыі Лахвіча, што ў ветэранскай і добраахвотніцкай супольнасці адразу загаварылі: гэта вынік ціску. І пачалі шукаць ініцыятара. 

Хто такі Лахвіч

Аляксандр «Лахвіч» Наўковіч — адзін з пазнавальных беларускіх добраахвотнікаў ва Украіне, былы жаўнер батальёна «Літвін» Палка Каліноўскага.

Ён рэгулярна з'яўляўся ў публічнай прасторы як блогер, добраахвотнік і ўдзельнік палітычных дыскусій. Ён каментаваў вайну, беларускую апазіцыю, Каардынацыйную раду, перспектывы вызвалення Беларусі і ролю добраахвотнікаў у будучых пераменах. У сваіх інтэрв'ю і відэа Лахвіч часта казаў пра беларускую гісторыю, ВКЛ, нацыянальную годнасць і шляхецкі кодэкс паводзін.

У 2024 годзе Наўковіч абраўся ў Каардынацыйную раду. Ён належаў да таго крыла добраахвотнікаў, якое рэгулярна крытыкавала беларускія дэмакратычныя сілы за адсутнасць выразнай сілавой стратэгіі і за адарванасць ад людзей са зброяй.

Што кажуць у добраахвотніцкім асяроддзі

Байцы Палка Каліноўскага сцвярджаюць, што пасля з’яўлення роліка Лахвіч не адказваў на званкі пабрацімаў. Пазней яго знайшлі, з ім «усё добра». Публічна каментаваць сітуацыю ён адмаўляецца.

Наш суразмоўца з ліку байцоў лічыць, што па стылістыцы прыніжэння за відэа можа стаяць Радзівон «Гена» Батулін — былы камандзір батальёна «Тэрор». Такую здагадку выказалі і ў каментарах да відэа ў фэйсбуку. 

Суразмоўца тлумачыць сваю версію тым, што, паводле яго, Батулін раней ужо прымушаў асобных байцоў галіць вусы, бо яны нібыта «не шляхта». Акрамя таго, менавіта з асяроддзя Батуліна апошнім часам ішлі найбольш жорсткія абвінавачанні ў бок Жэрара.

З’яўленне відэа папярэджваў канфлікт: нібыта напярэдадні Лахвіч апублікаваў ролік, у якім крытыкаваў Батуліна. Сэнс той крытыкі быў у тым, што «калі іншыя ваююць, а ты едзеш у Адэсу адціскаць у мірных валанцёрку — гэта не шляхетна», а таксама што «калі Жэрар сядзіць і не можа адказаць на плёткі — гэта таксама не шляхетна».

Паводле суразмоўцаў, менавіта гэтая публічная крытыка выклікала рэзкую рэакцыю ў коле людзей, блізкіх да Батуліна. Пасля гэтага ў сацыяльных сетках пачалі з'яўляцца каментары, дзе словы Лахвіча называлі абразлівымі і недапушчальнымі.

Хто такі Радзівон Батулін

Радзівон «Гена» Батулін — фігура з доўгай і канфліктнай гісторыяй у беларускім добраахвотніцкім руху. Ён быў адным з публічных прадстаўнікоў батальёна «Тэрор», а пазней стаў адным з заснавальнікаў Беларускага добраахвотніцкага корпуса (БДК) разам з Ігарам «Янкі» Янковым і Андрэем «Бяссмяротным» Трацэўскім. Менавіта гэтыя трое ў снежні 2022 года запісалі відэазварот пра стварэнне новага беларускага вайсковага фармавання ва Украіне.

Пры гэтым сам «Тэрор» нарадзіўся ўнутры Палка Кастуся Каліноўскага, але ўжо летам 2022 года выйшаў з яго складу пасля ўнутранага канфлікту. Пасля гэтага падраздзяленне дзейнічала асобна, а затым увайшло ў БДК.

Вядома пра сувязь Батуліна з ультраправым асяроддзем. Яшчэ да поўнамаштабнай вайны ён быў блізкі да Сяргея «Боцмана» Кароткіх.

У інтэрв’ю і выступах Батулін часта выкарыстоўвае лексіку пра «новую шляхту», нацыяналізм, элітарнасць ваяроў і асаблівы кодэкс гонару. 

Каментары50

  • ололо
    01.06.2026
    Гена красава)) тут усё па справе
  • Да нет
    01.06.2026
    Мда, можно восхищаться "добровольцами" и проклинать орду. Ещё обязательно нужно отметиться в любви к Украине и Польше. Особенно Польше! Бастион как никак.
  • Воины света?
    01.06.2026
    Или воины Светы?

Цяпер чытаюць

Крымскі мост зруйнаваны ўдарам ракет «Фламінга»3

Крымскі мост зруйнаваны ўдарам ракет «Фламінга»

Усе навіны →
Усе навіны

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

ЕС уводзіць санкцыі супраць заснавальніцы Wildberries Таццяны Кім7

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

У Мінску ўжо паставілі першую ёлку5

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго29

больш чытаных навін
больш лайканых навін

Крымскі мост зруйнаваны ўдарам ракет «Фламінга»3

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць