Свет2121

Іспанія не дае рады наплыву мігрантаў у сваім афрыканскім анклаве

Іспанскі ўрад вырашыў накіраваць вайскоўцаў у свой паўночнаафрыканскі анклаў Сеута, каб узмацніць бяспеку на фоне рэзкага павелічэння колькасці нелегальных мігрантаў, піша EFE.

Фота: Antonio Sempere/AP/ Scanpix

Увечары 30 ліпеня Міністэрства ўнутраных спраў Іспаніі паведаміла, што ў Сеуту накіруюць 60 вайскоўцаў Узброеных сіл і дадаткова 30 супрацоўнікаў Цывільнай гвардыі. Вайскоўцы павінны падтрымаць праваахоўнікаў у гарантаванні бяспекі і парадку ў горадзе.

Рашэнне было прынята пасля таго, як за апошні тыдзень у Сеуту з Марока праз мора перабраліся каля 1500 мігрантаў. Мясцовыя ўлады заявілі, што ўжо не спраўляюцца з такім наплывам людзей.

Фота: AP

Прэзідэнт Сеуты Хуан Хесус Вівас раней заклікаў урад у Мадрыдзе абвясціць надзвычайнае становішча і ўзяць сітуацыю ў горадзе пад кантроль. Ён папярэджваў, што мясцовыя службы перагружаныя праз вялікую колькасць новых мігрантаў.

Спачатку іспанскае МУС адмовілася разглядаць магчымасць увядзення надзвычайнага становішча, заявіўшы, што міграцыйныя патокі не адносяцца да рызык, якія дазваляюць выкарыстоўваць адпаведны рэжым грамадзянскай абароны. Аднак пасля абвастрэння сітуацыі ўлады прынялі рашэнне ўзмацніць бяспеку з дапамогай вайскоўцаў.

Сеута — невялікі іспанскі анклаў на ўзбярэжжы Паўночнай Афрыкі, які мяжуе з Марока. Разам з Мелільяй ён мае асаблівы статус і з'яўляецца адным з асноўных маршрутаў, праз якія мігранты спрабуюць трапіць на тэрыторыю ЕС.

Міграцыйная сітуацыя ўскладнілася пасля нядаўняга рашэння Вярхоўнага суда Іспаніі. У ліпені суд пастанавіў, што мігрантаў, затрыманых у моры падчас спробы дабрацца да Сеуты або Мелільі, нельга аўтаматычна і неадкладна вяртаць у рамках спецыяльнага рэжыму адмовы ва ўездзе, які дзейнічае ў гэтых анклавах. Справа кожнага мігранта павінна разглядацца асобна.

Натхнёныя гэтым, усё больш людзей наважваюцца на небяспечны маршрут праз мора. Многія плывуць гадзінамі, трымаючыся за звычайныя надзіманыя кругі. Толькі за апошнія дні загінулі як мінімум чатыры чалавекі.

Паралельна Еўрапейскі парламент у чэрвені падтрымаў новыя міграцыйныя правілы, якія дазваляюць краінам ЕС накіроўваць у спецыяльныя цэнтры ў трэціх краінах тых мігрантаў, якім было адмоўлена ў наданні прытулку.

Каментары21

  • Румын
    31.07.2026
    Беларусы, займаецеся сваімі праблемамі. Навошта вы капіпасціце навіны вясковага ўзроўню каралеўства Гішпаніі? Вам больш німа аб чым напісаць?
  • выход только один
    31.07.2026
    Прэзідэнт Сеуты Хуан Хесус Вівас раней заклікаў урад у Мадрыдзе абвясціць надзвычайнае становішча і ўзяць сітуацыю ў горадзе пад кантроль

    на необитаемый остров их всех в рамках Закона отвезти [Рэд. Выдалена]

    [Зрэдагавана]
  • Странно
    31.07.2026
    На советской границе стояли столбы с надписями "стой, стреляю". И таки стреляли

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка6

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Кот стаў зоркай спектакля ў Маскве2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю82

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка6

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць