Свет55

У Румыніі кантралявана падарвалі Дунай, каб скіраваць паток вады на АЭС

У Румыніі армія разгарнула маштабную вайскова-інжынерную аперацыю на Дунаі, каб выратаваць ад прыпынення атамную электрастанцыю «Чарнаводэ». Праз надзвычайную засуху і рэзкае падзенне ўзроўню вады АЭС апынулася пад пагрозай недахопу вады для астуджэння рэактара.

Каб перанакіраваць рачны паток у бок вадазабору станцыі, сапёры і вадалазы 3 жніўня выкарысталі 180 кілаграмаў выбухоўкі і змаглі разбурыць падводную скалу Пыржоая.

Першая спроба, праведзеная напярэдадні, завяршылася няўдачай, але падчас другога выбуху каменны масіў ужо быў паспяхова адколаты.

Найбліжэйшым часам плавучы кран дастане вялізныя абломкі з вады, пасля чаго вайскоўцы затопяць у гэтым месцы чатыры 70‑метровыя баржы з каменем.

Такая штучная дамба дазволіць скіраваць асноўны паток вады ў патрэбны бок.

Сітуацыя з воднымі рэсурсамі ў рэгіёне набліжаецца да гістарычнага мінімуму 1985 года. З-за рэзкага скарачэння вытворчасці электраэнергіі ўрад Румыніі ўжо абвясціў у краіне стан надзвычайнай сітуацыі на жнівень.

Аналагічны крызіс ужо закрануў і суседнюю Венгрыю, дзе праз недахоп вады ў Дунаі прыйшлося часткова прыпыніць працу АЭС «Пакш».

Каментары5

  • .
    03.08.2026
    Абсурдна перадаюць навіну, ў тым ліку і частка румынскіх СМІ. Не могуць даць проста мапу са стрэлачкамі, яшчэ адно згубленае ўменне разам з інфаграфікай.

    Словамі: скала пад вадой у правага берага і накіроўвала 85% патоку да левага, дзе праз 2 км пачынаецца доўгі рукаў Дуная Бала.
    Таму аперацыя ў комплексе: 1) падарвалі скалу справа; 2) затопяць баржы, не ў гэтым месцы, а далей злева на ўваходзе ў рукаў.
    Паток перанакіруецца па галоўнаму руслу направа, дзе праз 40 км частка вады яшчэ раз адхіляецца ўжо на Чарнаводскую АЭС.

    Скалу першы раз падрывалі яшчэ 70 год таму. Тады гэта рабілі не для АЭС, а для паляпшэння суднаходства.
  • .
    03.08.2026
    Гэта слушнае пытанне, з перспектывамі пацяплення і росту Мінска.
    Пакуль не памятаю значнага паніжэння ўзроўню Вілейскага вадасховішча ў спёку. Хаця сама Вілія ніжэй дэградавала, і даўно.
    Паглядзіце архівы ўзроўняў вады на Віліі і на Заслаўскім вадасховішчы, будзе ясней, ці ёсць рызыкі.
  • І так шкоды нарабілі
    03.08.2026
    Бес Працоўны, Вілейскім вадасховішчам затапілі 9 вёсак, а калісьці судаходную Вілію ператварылі ў сярэднюю рачулку

Цяпер чытаюць

Від на Каложскую царкву безнадзейна сапсаваны28

Від на Каложскую царкву безнадзейна сапсаваны

Усе навіны →
Усе навіны

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой58

больш чытаных навін
больш лайканых навін

Від на Каложскую царкву безнадзейна сапсаваны28

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць