Музыка2828

Беларусы незадаволеныя канцэртам «Тату» ў Мінску — бо артысткі спявалі не на рускай мове

Гурт «Тату», які будаваў сваю кар'еру на песнях пра каханне дзвюх дзяўчат, цяпер спрабуе пазбегнуць абвінавачванняў у прапагандзе ЛГБТ. Замест пацалункаў на сцэне цяпер трыманне за рукі, а некаторыя песні гучаць толькі па-англійску. Так было і на канцэрце ў Мінску.

Тут і далей фота з інстаграма гурта «Тату»

«Тату» ўпершыню з 2001 года далі паўнавартасны канцэрт у беларускай сталіцы (у 2021 годзе гурт прыязджаў у Мінск як хэдлайнеры фестывалю Ovion Show — але тады артысткі праспявалі ўсяго тры песні).

Выступалі «Тату» ў «Палацы спорту», квіткі каштавалі ад 155 да 295 рублёў.

Міленіялы, якія чвэрць стагоддзя чакалі вяртання любімага гурта, аказаліся расчараванымі. І галоўная прэтэнзія, якую часцей за ўсё агучваюць у сацсетках — гэта моўнае пытанне.

Гледачы рыхтаваліся падпяваць любімым хітам сваіх школьных гадоў на рускай мове, а «Тату» абсалютную большасць песень выканала на англійскай.

Прычына такога рашэння вельмі простая: строгія расійскія законы наконт прапаганды ЛГБТ (у 2024 годзе ў Расіі прызналі ЛГБТ-супольнасць экстрэмісцкім рухам). Летась Алена Каціна распавядала ў інтэрв’ю, што гурт вырашыў не спяваць шмат якія арыгінальныя версіі песень, бо баіцца, каб не абвінавацілі «ў прапагандзе не таго, што трэба».

Англамоўныя тэксты спявачкі (і, імаверна, расійскія цэнзары) лічаць больш прыстойнымі. Сама ж Каціна прызнавалася: варыянтаў у іх было не шмат. Ці спяваць па-англійску, ці перапісаць тэксты па-руску так, каб у іх не пабачылі нейкіх намёкаў на аднаполае каханне.

Мяняць культавыя радкі спявачкі таксама не пагадзіліся.

Юлія Волкава ў іншым інтэрв’ю таксама тлумачыла рашэнне выконваць большую частку рэпертуару на замежнай мове тым, што гурт «шануе традыцыі і паважае законы сваёй краіны». 

Таму на канцэрце ў Мінску момантамі сітуацыя выглядала камічнай. Так, у адной са сваіх самых знакамітых песень «Я сошла с ума» Юлія Волкава і Алена Каціна спявалі куплеты на рускай мове, а прыпеў — на англійскай. Публіка ў зале крычала рускамоўную версію хіта, але артысткі не здаваліся.

Трэба адзначыць, што і тое яны зрабілі паслабленне для беларускіх фанатаў — у Расіі «Тату» гэтую песню спяваюць цалкам па-англійску.

Таксама раней спявачкі паабяцалі расійскім уладам, што будуць паводзіць сябе на сцэне прыстойна, а не так, як у нулявыя. Таму і ў Мінску замест пацалункаў на сцэне было трыманне за рукі.

Таму шмат хто з наведвальнікаў канцэрту застаўся незадаволены. Блогерка Яўгенія Тарасюк разам з сяброўкамі ехала з Гродна, каб паслухаць «Тату», — кажуць, змарнавалі час.

Каментары28

  • Suum cuique tribuere
    14.11.2026
    Малайцы, развялі правінцыйных рускамірцаў на грошы і з'ехалі.
    А тутэйшыя Элачкі вунь за 300 кіламетраў ехалі, цяпер плачуцца.
  • Гражданин РБ
    14.11.2026
    Девочки решили, что приехали в Европу... а оказалось из совка как и не выезжали :)
  • Назіральнік
    14.11.2026
    Зноў беларусам рускай мовы не хапіла

Цяпер чытаюць

На канцэрт Кадышавай у Мінску ў какошніках прыйшлі нават мужчыны73

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны73

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць