Свет11

Казахстан упершыню адправіў нафту шляхам, альтэрнатыўным Расіі, праз Каспійскае мора

Казахстан упершыню адправіў сваю нафту ў Азербайджан праз Каспійскае мора. Гэта новы маршрут для казахскай нафты, цяпер яе асноўны шлях пралягае праз Расію. Прэзідэнт Казахстана патрабаваў наладзіць альтэрнатыўныя маршруты ў абыход РФ, піша forbes.ru.

 У порце Актау паспяхова завяршылася першая тэставая адгрузка нафты з радовішча Кашаган для далейшай пастаўкі ў напрамку порта Баку. Фота: kaztransoil.kz

Казахстан ажыццявіў першую тэставую адпраўку сваёй нафты праз Каспійскае мора ў Азербайджан, гаворыцца ў паведамленні на сайце «Азербайджанскага каспійскага марскога параходства» (ASCO).

Нафту з радовішча «Кашаган» у паўночнай частцы Каспійскага мора даставілі ў порт Актау, адкуль яна адправілася ў Баку. Для транспарціроўкі задзейнічалі танкер «Акадэмік Хошбахт Юсіфзадэ», які належыць Азербайджанскаму каспійскаму марскому параходству. У складзе першай партыі загрузілі 6900 тон сырой нафты.

Грузаадпраўшчыкам нафты стала кампанія INPEX North Caspian Sea, паведаміла казахстанская кампанія «КазТрансОйл». Яна назвала гэта першай тэставай адгрузкай нафты на экспарт для далейшай пастаўкі ў Баку. Тэставая адгрузка паказала магчымасць дыверсіфікацыі экспартных маршрутаў для кашаганскай нафты шляхам чыгуначных перавозак у бок Транскаспійскага маршруту, адзначыў дырэктар INPEX North Caspian Sea у Казахстане Хірошы Ікеда.

Радовішча Кашаган размешчанае прыкладна ў 90 км ад казахскага горада Атырау на паўночным захадзе краіны. Гэта адно з найбуйнейшых радовішчаў Казахстана ў Каспійскім моры.

Цяпер асноўны экспартны шлях для казахстанскай нафты ляжыць праз Расію: па трубаправоднай сістэме Каспійскага трубаправоднага кансорцыума да Наварасійска, адкуль паліва па моры адпраўляецца ў пункты прызначэння. Прамога выхаду да сусветнага акіяна ў Казахстана няма.

У ліпені 2022 года прэзідэнт Казахстана Касым-Жамарт Такаеў даручыў наладзіць новыя спосабы пастаўкі нафты ў абыход Расіі, у тым ліку па моры. Такаеў назваў прыярытэтным транскаспійскі маршрут, які пралягае праз Кітай, Казахстан, акваторыю Каспійскага мора, Азербайджан, Грузію, Турцыю і краіны Еўропы, не заходзячы на ​​тэрыторыю Расіі.

У мінулым месяцы Прыморскі раённы суд Наварасійска прыпыніў на 30 сутак працу Каспійскага трубаправоднага кансорцыума для ліквідацыі парушэнняў, выяўленых Растранснаглядам.

Каментары1

  • Жвір
    21.03.2023
    Прадуктавоз/хімавоз скарысталі для перавозкі нафты! Дарэчы, даволі новы. Гарачачнае рашэньне. Значыць загадзя не рыхтаваліся для такой дыверсыфікацыі шляхоў транспарціроўкі нафты, прынялі рашэньне прадыктаванае палітычнымі патрабаваньнямі, і падобна, былі вымушаны рабіць гэта сьпешна.

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

больш чытаных навін
больш лайканых навін

Крымскі мост зруйнаваны ўдарам ракет «Фламінга»15

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць