Меркаванні2424

Парадокс, але прызнанне ЕГУ экстрэмісцкім развяжа яму рукі

Прызнанне Еўрапейскага гуманітарнага ўніверсітэта экстрэмісцкім вымушае задумацца пра змены ў яго канцэпцыі, піша Мікола Бугай.

Дзень Волі ў Вільні, 25 сакавіка 2026 года. Фота: «Наша Ніва»

Не сумняюся, што Еўрапейскі гуманітарны ўніверсітэт выстаіць. Будзе працягваць вучыць, будзе працягваць набіраць студэнтаў. Так, наборы паменшаюць. Што ж — менш дык менш.

Але пры гэтым ЕГУ стане лягчэй выконваць сваю іншую натуральную місію. Раней універсітэт, каб не наклікаць дадатковыя рэпрэсіі, вымушана трымаў дыстанцыю ад грамадзянскай супольнасці. Зараз жа сама сітуацыя дае ЕГУ шанц зрабіцца даследчым цэнтрам і платформай для грамадзянскіх ініцыятыў. 

Скажам, беларусам трэба б мець незалежны Цэнтр гістарычных даследаванняў як альтэрнатыву Інстытыту гісторыі НАН. Чаму б яму не ўзнікнуць на базе гістарычнага кірунку ЕГУ?

Беларусам трэба журфак у выгнанні, каб рыхтаваць кадры для незалежных СМІ — чаму б не стварыць гэта на базе ЕГУ?

Беларусам трэба аналітычныя цэнтры. Чаму б ім не існаваць пад крылом ЕГУ?

Беларусы маюць Музей імя Івана Луцкевіча, культурныя прасторы. Чаму б ЕГУ не быць базай і для іх?

Беларускі гуманітарны хаб, Навукова-практычны цэнтр — спецыялісты правільней сфармулююць назвы для гэтых новых функцый. Бо ж цяпер ЕГУ — у адной з грамадзянскай супольнасцю лізе экстрэмістаў.

І працягваць набор студэнтаў. Колькі будзе набірацца — столькі будзе набірацца. Так у свой час у выгнанні дзейнічаў Украінскі вольны ўніверсітэт.

Мне такая стратэгія падаецца наймацнейшым асіметрычным адказам на крок лукашыстаў. Бо логіка мінскай адміністрацыі — адразаць любыя еўрапейскія ўплывы і прывязкі, не пакінуць беларусам ніякай альтэрнатывы — толькі лукашызм і Расія.

Студэнты зараз не змогуць вяртацца ў Беларусь, але для ідэй і ведаў няма межаў.

Каментары24

  • Ну-ну
    18.04.2026
    >Беларусам трэба аналітычныя цэнтры. Чаму б ім не існаваць пад крылом ЕГУ?

    Таму, што на гэта прынцыпова не дазволяць Наўседы з усякімі там сьвітанкамі-над-нёманамі, ну і грамадзкае меркаваньне падключыцца ў выглядзе ўсякіх сьвітоюсаў. Проста нагадаю, якую рэакцыю выклікала нават бяскрыўдная кнайпа з сымболікай паўстаньня 1863 году. Кнайпа. А вы пра аналітычныя цэнтры...
  • Прачнуліся
    18.04.2026
    Сп.Мікола Бугай прачнуўся... Усё пералічанае ў ЕГУ ёсць, мо крыху інакш называюцца цэнтры і праграмы, але сутнасць тая ж. І з грамадзянскай супольнасцю ўнівер працуе. Таму трохі дзіўная прапанова ад рэдактара (журналіста?), які, выходзіць, ня ведае, што робіцца ў адзіным вольным беларускім універы. Калі б вы больш пісалі пра яго, а не пра расейскіх нікому не вядомых зорак, не было б такіх 'геніяльных' прапановаў.

    Што да экстрэмісцкага статусу, нічога ён не развязвае - ні рукі, ні ногі. Гэта вельмі кепска, у першую чаргу для студэнтаў.
  • Мда
    18.04.2026
    В мире, где все финансирование происходит исключительно за счет грантов, а объем этих грантов - неограничен, все аргументы статьи целиком логичны. Можно теперь осуществлять самые смелые мечты даже с нулем студентов.

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

больш чытаных навін
больш лайканых навін

Крымскі мост зруйнаваны ўдарам ракет «Фламінга»16

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць