Грамадства44

У Мінску ліквідуюць Нацыянальны цэнтр сучасных мастацтваў

У Мінску плануюць ліквідаваць Нацыянальны цэнтр сучасных мастацтваў — дзяржаўную культурную ўстанову, якая працавала больш за дзесяць гадоў і была адной з ключавых пляцовак сучаснага мастацтва ў краіне, піша Reform.news.

Фота: сацсеткі НЦСМ

Спачатку ў інстаграме інстытуцыі з’явілася паведамленне пра «апошнюю» акцыю Ноч музеяў, якую ладзіць установа. Дзве крыніцы з культурніцкіх колаў пацвердзілі Reform.news, што цэнтр працягне працу толькі да восені. Пасля гэтага каля 50 супрацоўнікаў могуць страціць працу.

Частку маёмасці ўстановы пераразмяркуюць: фонды НЦСМ і пляцоўка на вуліцы Якуба Коласа будуць перададзены Нацыянальнаму мастацкаму музею, а памяшканні на вуліцы Някрасава — Беларускай дзяржаўнай акадэміі мастацтваў.

У неафіцыйных каментарыях адзначаецца, што закрыццё можа быць звязана з пераразмеркаваннем культурных плошчаў і ўплывам новага кіраўніка Саюза мастакоў Андрэя Васілеўскага, а таксама зацікаўленасцю асобных структур у будынках і рэсурсах цэнтра.

Сам Нацыянальны цэнтр сучасных мастацтваў быў створаны ў 2015 годзе шляхам аб’яднання дзвюх папярэдніх інстытуцый: Творчых майстэрняў «Цэнтр сучасных мастацтваў» і дзяржаўнай установы «Музей сучаснага выяўленчага мастацтва». За час існавання ён стаў важнай платформай для сучаснага мастацтва ў Беларусі.

Цэнтр займаўся падтрымкай эксперыментальных праектаў у выяўленчым, тэатральным і музычным мастацтве, працаваў з маладымі мастакамі і куратарамі, а таксама ўдзельнічаў у міжнародных праектах, у тым ліку ў арганізацыі нацыянальных павільёнаў Беларусі на Венецыянскім біенале і іншых буйных арт-падзеях.

Каментары4

  • Цвік у труну
    01.05.2026
    Па факту, лукашысты ўжо даўно ліквідавалі ўсё нацыянальнае і ўсё мастацтва
  • лукашисты они такие
    01.05.2026
    Стремятся к деревянным ложкам, гармошкам, постным щам и лаптям, с проживанием в русских землянках и смертью в русских окопах.
    Больше, ни лукашу, ни лукашистам, не надо....
  • Хрушчоў
    01.05.2026
    Барацьба з абстракцыянізмам

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

больш чытаных навін
больш лайканых навін

Крымскі мост зруйнаваны ўдарам ракет «Фламінга»15

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць